Wan ducu cwinywa cwer i kare mogo. Cwercwiny pe nyuto ni pe watye ki niye i kom Jehovah. Ki lok ada, kadi wa Jehovah onyuto ni cwinye cwer i kare mogo. (Acak 6:​5, 6) Ento ka i cawa ducu wawinyo ni cwercwiny onurowa woko kwicikwici kono?

Leg Jehovah pi kony. Jehovah paro piwa ki kit ma wawinyo kwede. En ngeyo ka ce cwinywa tye ka cwer nyo ka cwinywa yom. En niang pingo watamo nyo wawinyo kit meno. (Jab 7:9b) Ma dong pire tek loyo, Jehovah paro piwa dok en twero konyowa me lweny ki cwercwiny nyo kadi wa two par.—Jab 34:18.

Gwok tammi. Tam maraco twero rwenyo yomcwinyi dok balo watti ki Jehovah. Pi meno, pire tek adada ni wagwok cwinywa—ma en aye ngat ma wabedo ki iye.—Car 4:23.

NEN VIDIO MA WIYE TYE NI KIT MA UTMEGIWA GITYE KA MEDDE KI BEDO KI KUC KADI BED GITYE KI TWO PAR, CI IGAM LAPENY MAGI:

• Gin ango ma Nikki otimo me lweny ki two par?

  Co lagammi

• Pingo Nikki onongo winyo ni myero enong kony ki bot daktar?—Mat 9:12

  Co lagammi

• Nikki ojenge nining i kom Jehovah pi kony?

  Co lagammi