KRISTOFOHI A SI HIMI
Yehowa Heɔ Nihi Nɛ A Kɔni Mi Jɔ̃ ɔ A Yi Wami
Wɔ tsuo wa haoɔ behi komɛ. Se ke wa hao ɔ lɔ ɔ tsɔɔ we kaa wa be hemi kɛ yemi ngɛ Yehowa mi. Ngɛ anɔkuale mi ɔ, Yehowa nitsɛ po tsɔɔ kaa e haoɔ be komɛ. (1Mo 6:5, 6) Se ke wa hao wawɛɛ loo wa haoɔ be fɛɛ be hu nɛɛ?
Moo sɔle ha Yehowa nɛ e ye bua mo. Yehowa suɔ nɛ e le bɔ nɛ o ngɛ he nue ha a. Ke wa bua jɔ loo wa haoɔ ɔ, e le. E nu nɔ́ he je nɛ wa nuɔ níhi a he loo wa susuɔ níhi a he kaa jã a sisi. (La 7:9b) Nɔ́ nɛ he hia pe kulaa ji kaa Yehowa susuɔ wa he nɛ e maa ye bua wɔ konɛ wa nyɛ nɛ waa da wa haomi ɔmɛ loo wa yeyeeye peemi ɔmɛ a nya.—La 34:18.
Moo po o juɛmi ɔ he piɛ. Ke wa kɔni mi jɔ̃ ɔ e ha we nɛ wa ná bua jɔmi jehanɛ ɔ se hu e saa huɛ bɔmi nɛ ngɛ waa kɛ Yehowa wa kpɛti ɔ he. Enɛ ɔ he je ɔ, wa bɔɔ mɔde wawɛɛ konɛ wa po wa tsui nɛ ji nɔmlɔ tutuutu nɛ wa ji ɔ he piɛ.—Abɛ 4:23.
NYƐƐ HYƐ VIDEO NƐ JI BƆ NƐ WA NYƐMIMƐ ƆMƐ NGƐ TUE MI JƆMI NÁE HA, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
-
Mɛni ji ní komɛ nɛ Nikki pee konɛ e nyɛ nɛ e da e yeyeeye peemi ɔ nya?
-
Mɛni he je nɛ Nikki nu he kaa e he hia nɛ e hla hiɔ tsami blɔ nɔ tomi ko ɔ?—Mt 9:12
-
Mɛni níhi Nikki pee kɛ tsɔɔ kaa e ngɔ e hɛ kɛ fɔ Yehowa nɔ?
