˗ABHƲA KLƖTƖƐWAA SƐ ˗A ˗BHÖLƖƐ
Zoova puë ˗muë swɩ ˈkunɩɛ yɔwʋ
ˈTɛɲɩ ˗mɛmɛ ˈmö, ˗a ˈwuë ˗a ˗wʋ dlɩpänɔ ˈmö. Nɩkpɛ ˗kä dlɩpänɔ ˈmö ˗wʋʋ, mii ˈnɩɛ zɛmö ˗sɛ nɩɩ ˈɔ Lagɔ a dlɩtɛɛnɩtɛnɛ yɛ gwë yinɩ. Zoova aˈbhë, ɔ nʋ a˗a nɩɩ, ˈtɛɲɩ ˗mɛmɛɛ ˈmö ˗lii ˗mimii ˈkuanɔɔ swɩ yɔwʋ. (Gn 6:5, 6) ˗Maa, dlɩpänɔɔ ˗kaɲɩ ˈkwädlɩ ˈwlu ˈmänanɩ ˈyize, sɛɛ ˗a ˈkä ɔ ˈzʋ ˈnɩ?
˗A nɩ gö Zoova ˈyi ɔ ˗kaɲɩ kwänɩ. Zoova yɩbhä nɩɩ ˗a nɩ nɛnɩ ˈkwädlɩ ˈmö, ɔˈɔɔ ˈyɩbhä ˗a nɩ ˈtatinɩ dlɩpänɔɔ ˈyi wʋ ˗kaɲɩ ˈwlumö ɲima. ˗A ˗kä ˈmäna ˈmö ˗wʋ, ɔ ˗yi sɛ, ˈn ˗a ˗käˈɛ dlɩpänɔ ˈmö ˗wʋ, ɔ ˗yi sɛ. ˗Yɩ kää ˈŋlɩ ˈn ˗a kää dlɩpänɔ, ˈn ˈsaa yɩ nʋʋɲɩɛ dlɩ zɛmö, ɔ nwi ˈmö. (Ps 7:9b) ˗Yɩ kää dɛsɛ aˈbhë miɛ nɩɩ, Zoova ˗waɲɩ teɲii zaa, ɔ bhɛnɩ ɔ ˗kaɲɩ kwänɩ ˗a ˈkä dlɩpänɔɔ ˈwlu ˈplɩ, ˗a yiˈɛ ˈwlumöɲimosɛ ˈzʋ aˈbhë ˗kë.—Ps 34:18.
˗A nɩ ˈnɛmanɩ ˗aɲɩ ˈwʋ dlɩpänɔɔ ˗tɩɲɩa ˈwlumö ɲima. Dlɩpänɔɔ bhɛnɩ wʋ ˈkä ˈŋlɩ ˗kä, ˗a ˈnaa ˈkä ˈmäna ˈmö ˗wʋ ˈn ˗a ˈnaa ˈkäˈɛ sasɛ Lagɔ bʋbɔ. ˗Sɩbhä a za, ˗a nɩ ˈnɛmanɩ ˗aɲɩ ˈwʋ, dlɩpäsazokwëa ˗tɩɲɩa dlɩ zɛmö plɛ nzɩ ˗a ˈkäa lagɔsɛ nɛmö ˈyize.—Pr 4:23.
A NƖ YLƐ VIDEO ˗WƲ NƲÄ, SƐƐ ˗AA LAGƆDAAYUË ˗WƲÄ ˈTƖƖGLƖGLƐ ˈMÖ: WA ˈNƖ ˈMÖ NƐNƖ ˗KË, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
-
Dlɩpänɔɔ ˈmänanɩɛ Niki ˈwlu ˈn ɔ yiɛ ˈwlumöɲimosɛ ˈzʋ, ˗lii a ˗mi kwänɔɔ bhä ˈnɩ?
-
˗Yɩ kä ɔ ˈŋlɩ ˈn Niki yi ɔ ˈmö ˈnʋ nɩɩ, ɔ kä ɔ ˈkä ˗dʋtlɔyi ˈylɩmöä mö nzɩ ɔ ˈkɔ kwänɩ ˈnɩ?—Mt 9:12
-
Sɛɛ Niki tula ɔ nɩɩ Zoova ˈmö ɔ ˈtɛɛnɩ dlɩ nzɩ ɔ ˈkɔ kwänɩ ˈnɩ?