Môt ase a wô’ô wôk émien éngôngole biyoñe biziñ. Ve nalé a nji tinane na, môt a wô’ôtane nalé a ne ate’e mfa’a ya nsisim. To’o Yéhôva a wô’ô wô’ô nleme mintaé. (Met 6:5, 6) Ve jé ô ne bo nge nlem ô ne wo abé biyoñe biziñe nge ke éyoñ ése?

Ye’ela’ane Yéhôva. Yéhôva a nyoñe ngap a avale bia simesan a wô’ôtane mam. A yem éyoñe bi ne mevak a éyoñe bia wô’ô nleme mintaé. A yeme fe amu jé bia simesan a wô’ôtane nalé. (Bs 7:9b) Jame da dañe mfi é ne na, Yéhôva a nyoñe bia ngap, a a ne volô bia na bi dañe njuk ôte nge ke ôkone nleme ba loone na dépression.—Bs 34:18.

Ba’ale’e asimesane dôé. Éyoñe nlem ô ne bia abé, bi ne jañele ava’a dangan, a amvôé bia be Yéhôva é ne ndaman. Jôme te nje bia yiane kamane nleme wongan, ñwô ôte ô ne avale môte bi ne été wôé.—Min 4:23.

YENE’E VIDÉO A NE NLÔ AJÔ NA, AVALE BOBEJAÑE BANGAN BA BU’UBANE MVO’É AKUSA BO ÔKONE NLEM, MVUSE YA VALÉ, YALA’ANE MINSILI MI:

• Jé Nikki a nga bo asu na a dañ ôkone nleme wé?

  Éyalane jôé

• Amu jé Nikki a nga yene na a yiane ke nda biañ?—Mat 9:12

  Éyalane jôé

• Aval avé Nikki a nga tabe ndi na Yéhôva a ye volô nye?

  Éyalane jôé