Kitang tanan maguol usahay. Kon maguol ta, wala na magpasabot nga naluya ta sa espirituwal. Bisan gani si Jehova miingon nga naay mga panahon nga naguol siya. (Gen 6:​5, 6) Pero komosta kon pirme na lang tang maguol pag-ayo o di na mobatig kalipay?

Pangayog tabang kang Jehova diha sa pag-ampo. Si Jehova interesado kaayo sa atong mental ug emosyonal nga kahimtang. Nahibalo siya dihang malipayon ta ug dihang magul-anon ta. Nasabtan niya ang atong gihunahuna ug gibati. (Sal 7:9b) Labaw sa tanan, gimahal ta ni Jehova ug makatabang siya nato aron malamposon natong maatubang ang kaguol o bisan gani ang depresyon.—Sal 34:18.

Ampingi ang imong mental health. Ang negatibong mga emosyon makaapektar sa atong kalipay ug sa atong pagsimba. Tungod niini, angay natong ampingan ang atong kasingkasing—ang atong tibuok pangsulod nga pagkatawo.—Pr 4:23.

TAN-AWA ANG VIDEO NGA KON SA UNSANG PAAGI ANG MGA IGSOON NAKABATON UG KALINAW BISAN PA SA DEPRESYON, UG DAYON TUBAGA ANG MOSUNOD NGA MGA PANGUTANA:

• Unsang praktikal nga mga paagi ang gihimo ni Nikki nga nakatabang niya sa pag-atubang sa depresyon?

  Imong tubag

• Nganong gibati ni Nikki nga kinahanglan siyang mokonsultag doktor?—Mat 9:12

  Imong tubag

• Sa unsang mga paagi misalig si Nikki nga tabangan siya ni Jehova?

  Imong tubag