KRISTABIIRI ZEMMO YƐLƐ
Jehoova Maŋ Faa La Noba Na Sukyie Naŋ Dɔɔnɔ Ba
A maŋ wa ta la saŋa kaŋa ka te sukyie dɔɔnɔ te. Ka lɛŋ wa pɔgrɔ te, a ba wuli ka te ba taa sagediibu Jehoova eŋɛŋ, bonso Jehoova meŋɛ yeleeŋ ka saŋa mine, ka nensaalebaŋ wa erɛ yɛlɛ naŋ ba soma, o sukyiri maŋ dɔɔnooŋ. (Mn 6:5, 6) Kyɛ ka te sukyieŋ wa dɔɔnɔ te yaga zaa te gaali, kyɛbee ka te sukyieŋ dɔɔnɔ te wagre zaa, wala aŋ seŋ ka te e?
Puore sɔre Jehoova ka o soŋ bo. Jehoova baŋɛɛ yɛlɛ naŋ be ho teɛroŋ poɔŋ ane teɛroŋ na hoŋ taa kyaare yɛlɛ mine. Ka te poɔŋ wa pɛle kyɛbee ka te sukyieŋ wa dɔɔnɔ te, o maŋ baŋeŋ. O baŋɛɛ bon nanso teŋ maŋ taa teɛroŋ mine a kyaare yɛlɛ mine. (Ym 7:9b) Kyɛ a yelnimizeɛ meŋɛ la ŋa, Jehoova taaɛ ho yɛlɛŋ, o na baŋ soŋ boŋ ka ho are ho sukyiri dɔŋ yɛlɛ kyɛbee teɛroŋ gyɛre yɛlɛ noɔreŋ.—Ym 34:18.
Iri teɛroŋ faare yi ho teɛroŋ poɔŋ. Ka te enneŋ wa kyoɔre, te ba maŋ taa popeɛloŋ, kyɛ a na baŋ lɛ sãã la te neŋ Jehoova niiloŋ na meŋ. Azuŋ, a eɛ nimizeɛ ka te go te sukyie ane te poteɛrɛ velaa zaa.—Ye 4:23.
KAA A VIDIO ŊA, LƐ TE YƆƆMINE NAŊ TAA EMMAAROŊ ANEAZAA KA BA TUOREE TEƐROŊ GYƐRE YƐLƐ, KYƐ PÃÃ IRI A SOOREBIE ŊA NƆƐ:
-
Saŋa na yɛlɛ mine naŋ da maŋ dɔɔnɔ Nikki na, bo yɛlɛ oŋ da maŋ e aŋ toɔ̃ somoo?
-
Bonso ka Nikki da wa nyɛ ka aseŋ ka o bɔ sommo yi dɔkta zieŋ?—Mt 9:12
-
Bo yɛlɛ mine ka Nikki e a de wuli ka o dɛlɛɛ Jehoova ka o somoo?
