A LIBI FU WI ENKE KELESTEN
Yehofa e yeepi den sama di e fii booko-saka
Iniiwan sama sai e tyali. Ma á na te wan sama e tyali da dati wan taki en biibi swaki, bika Beibel taki Yehofa e tyali tu (Gen 6:5, 6). Ma saw sa du efu we tyali wan hii pisiten kaba?
Begi Yehofa fu a yeepi i. Yehofa e booko en ede anga a fasi fa we fii. A sabi on ten we piisii anga on ten we tyali. Ai fusutan saide we pakisei son sani anga saide we fii so (Ps 7:9b). Ma san moo pelensipali a taki Yehofa e booko en ede anga u. A poi yeepi u tu te we fii booko-saka efuso te wa sabi saw mu du.—Ps 34:18.
Ná pakisei sani di á bun. Te we pakisei sani di á bun a sani ya sa meke u nai piisii moo. A sa meke wi anga Yehofa á de mati moo tu. Neen meke u mu du ala saw man fu kibii wi ati. U mu e pakisei sani di bun.—Odo 4:23.
LUKU A FELON DI DEN E KAI DEN BAALA ANGA SISA FU WE PIISII WINSI FA DEN SIKI, DAI PIKI DEN AIKSI YA:
-
San a wantu sani di yeepi Nikki fu aa be e booko en ede tumisi?
-
Saide Nikki be kon si taki a mu go a dataa?—Mat 9:12
-
San e soi taki Nikki be e biibi taki Yehofa be o yeepi en?