LONGE̱ LA KRISTE̱N
Yehova a mongwane̱ babe̱ne̱ mudī mu sibi
Di mabe̱ di ńo̱sea ponda iwo̱. Di ńo̱sedi te̱ nik’e si mapula kwala ná di si dube̱ Yehova. To̱ Yehova mo̱me̱ne̱ pe̱ a kwali ná a bo ndutu o mulema ponda iwo̱. (Bbot 6:5, 6) Nde nje bola yete̱na di ńo̱sedi jita ponda iwo̱ to̱ ponda ye̱se̱ e?
Kane̱ Yehova ná ongwane̱ wa. Yehova a mombwea ne̱ni di masengano̱ na mbale̱. A bi ponda jeno̱ muńe̱nge̱ na ponda di ńo̱sedino̱. A maso̱ṅtane̱ ońola nje di be̱nno̱ mo̱nge̱le̱ mō̱ na ne̱ni di masengano̱. (Mye 7:10b) Omo̱ń a me̱se̱, Yehova a mombwea biso̱, a mongwane̱ pe̱ biso̱ o lembe̱ ponda di be̱nno̱ mambo ma mabwe̱se̱ biso̱ ndutu to̱ ponda di ńo̱sedino̱.—Mye 34:19.
Tata mo̱nge̱le̱ mo̱ngo̱. Di ńo̱sedi te̱, nika ńe ná e be̱ne̱ ngińa omo̱ń a muńe̱nge̱ masu na mulatako masu na Yehova. Ońola nika nde jangame̱nno̱ tata mulema masu, mot’asu ńa teten.—Min 4:23.
OMBWA SINIMA NE̱NI BONASANGO ASU BENO̱ MUSANGO TO̱ NA DIBOA LA MO̱NGE̱LE̱, DENGE̱ O MALABE̱ MYUEDI MI MABUPE̱:
-
Njika mambo Nikki a bolino̱ mena mongwane̱ mo̱ o lembe̱ diboa lao la mo̱nge̱le̱ e?
-
Ońola nje Nikki a so̱ṅtane̱no̱ ná a be̱n ńo̱ng’a jongwane̱ la do̱kita e?—Mt 9:12
-
Ne̱ni Nikki a se̱me̱ye̱no̱ na Yehova ná a kusane̱ mo̱ jongwane̱ e?
