Bia besese bi wôla tobe éwiñ metam mézing. A tobe éwiñ daa yili ki naa bia koan nfa ya nsisim. Biyong bizing, Jehôva a dzô bia naa mam mézing me nga ve ñe naa a tobe éwiñ. (Atar. 6:5, 6) Ve, dzé bi ne bo éyong bia wôrane naa bi ne édedèè éwiñ metam mézing nge ki éyong asese ?

Dzenghe avole Jehôva. Jehôva a bira bis é dzam bia wôrane n’nem ôsi. A yem metam bi ne mesan ya metam bi ne éwiñ. A yem amu dzé bia siman ya wôrane mam aval té. (Bya 7:9b) É dzam da dang éban é ne naa, Jehôva a bis bia ye naa a ne bia vole naa bi dang mesiman ma ve bia éwiñ, nge ki naa a ne bia vole a zômô depresión.—Bya 34:18.

Kameghe mesiman muè. Mbimbia mesiman me ne ve naa bi taa tobe mevakh, me ne wiñ ntukh é mbemba élat bi bele ya Jehôva. Akal dzam té, bia yiène kame n’nem wèè ya mesiman mèè.—Mink. 4:23.

DAGHANE ÉNGENGENG AVAL BOBEDZANG BA BUANE MVOA AMBEN BE BELE DEPRESIÓN, ÉYONG TÉ MIA YALANE MINSILI MIA ZU MI :

• Za mam Nikki a nga bo nfa ye naa a zômô depresión ?

  Éyalane duè

• Amu dzé Nikki a nga yen naa a yiène dzeng avole ébe bedokira ?—Mat. 9:12

  Éyalane duè

• Aval avé Nikki a nga lere mebun naa Jehôva a ye ñe vole ?

  Éyalane duè