Hɛn nyina, ɔtɔ da a hɛn werɛ how. Sɛ obi no werɛ how a, ɔno nnkyerɛ dɛ ɔnngye Jehovah nndzi. Yɛreka yi ara, Jehovah mpo ama yeehu dɛ ɔtɔ da a no werɛ tum how. (Ge 6:​5, 6) Na sɛ ɔba no dɛ awerɛhow taa hyɛ hɛn do, anaa mpo dɛ aber biara na hɛn werɛ ahow a, yɛbɛyɛ dɛn?

Serɛ Jehovah ma ɔmboa wo. Mbrɛ yɛtse nka no ho hia Jehovah paa. Sɛ hɛn enyi gye a ohu, dɛmara so na sɛ hɛn werɛ how a ohu. Dza ɔkɔ do wɔ hɛn akoma nye hɛn adwen mu nyinara no, ohu na ɔtse hɛn ase. (Nd 7:9b) Dza ɔkyɛn ne nyinara mpo no, Jehovah dwen hɛnho, na sɛ hɛn werɛ how anaa adwendwen hyɛ hɛn do a, obotum aboa hɛn ma yeegyina ano.—Nd 34:18.

Hwɛ ndzɛmba a edwendwen ho no yie. Sɛ adwendwen hyɛ hɛn do ma hɛn abaw mu bu a, obotum ama hɛn werɛ ahow. Ɔnnyɛ ɔno nko, obotum so ama yɛnye Jehovah ntamu ayɛ basaa. Yɛmmpɛ dɛ ɔba no dɛm, ntsi ɔsɛ dɛ yɛhwɛ ndzɛmba a yɛdwendwen ho no yie na yehu ndzɛmba a obotum ama dadwen ahyɛ hɛn do no, na yɛtwe hɛnho fi ho.—Mbɛ 4:23.

HWƐ VIDEO A WƆATO DZIN DZA ABOA HƐN NUANOM MA WƆDA HO ARA WƆ ASOMDWEE ƆMMFA HO DƐ ADWENDWEN AHYƐ HƆN DO NO, NA YIYI NSƐMBISA A ODZIDZI DO YI ANO:

• Aber a Nikki nyaa adwenmuhaw no, ebɛnadze na ɔyɛe a ɔboaa no ma otumii gyinaa ano?

  Wo mbuae

• Nna ebɛnadze ntsi na Nikki tse nka dɛ ɔsɛ dɛ okohu dɔkta?—Mt 9:12

  Wo mbuae

• Ebɛn ndzɛmba na Nikki yɛe dze kyerɛɛ dɛ ɔdze noho ato Jehovah do?

  Wo mbuae