Sa ka rivé-noutout dè santi-nou tris délè. Lè nou ka santi-nou tris, sa pa vlé di kè nou fèb èspirityèlman. Dayè pou yonn, Jéova fè-nou sav kè dépawfwa, limenm a-y ka santi-y tris (Jén 6:5, 6). Men, ka pou nou fè si tristès-la ka pran lanmen asi nou souvan, oben menm touttan ?

Mandé Jéova èd a-y. Jéova ka entérésé-y vréman a sa nou ka rèsanti. I sav lè nou ni tchè-kontan é lè nou tris. I ka konprann poukwa nou ka pansé é nou ka rèsanti tèl ou tèl biten (Sòm 7:9b). Sa ki pli enpòwtan ankò, Jéova ka sousyé-y dè nou é i pé édé-nou fasadé èvè tristès-la, oben menm déprésyon-la (Sòm 34:18).

Pwotéjé lèspri a-w. Non sèlman santiman ki négatif pé anpéché-nou ni tchè-kontan, men yo pé osi aji asi lanmityé an nou èvè Jéova. Sé pousa, sa enpòwtan dè pwotéjé tchè an nou, kivédi tousa nou yé andidan (Pw 4:23).

GADÉ VIDÉO-LA KIJAN FRÈ AN NOU KA VIV ANPÉ MAGRÉ DÉPRÉSYON-LA, APRÉSA RÉPONN A SÉ KÈSYON-LASA :

• Ki biten byen prési Nikki fè pou fasadé èvè déprésyon-la ?

  Répons a-w

• Kijan Nikki rann-li kont kè i té bizwen chèché èd a on dòktè ? (Mat 9:12).

  Répons a-w

• Kijan Nikki konté asi Jéova ? Bay diféran mannyè.

  Répons a-w