Saŋa ase’a to za’a waabi suure ni sa’am mɛ. To suure san sa’am, bala ka pa’alɛ ti to ka tari sakerɛ bɔ’ɔra Yehowa. Yelemɛŋɛrɛ la dela, hali Yehowa mea basɛ ti la niɛ peelumi ti eŋa mea suure ni sa’am mɛ saŋa ase’a. (Pin 6:​5, 6) Ge to suure san ba’ɛ sa’am bii to suure san sa’ana saŋa woo, to wan eŋɛ la wani?

Zusɛ Yehowa ti a soŋɛ hɔ. Tomam n ti’iseri yelese’a yele pakɛ Yehowa mɛ. A mi se’em ma’a ti to puurɛ ni pee ge me mina se’em ma’a ti to suure ni sa’am. A bɔkeri sɛla n sɔi ti to ti’isa ton ti’iseri se’em la mɛ. (Ym 7:9) Ge sɛla n gani bala dela, Yehowa fabeli to yele mɛ ge me wan soŋɛ tɔ ti to ŋmibe ze’ele, se’em ma’a ti to suure sa’am bii se’em ma’a ti to tara puti’ira bã’a.—Ym 34:18.

Bisera homea soŋa la hon ti’iseri yelese’a. Putɛbe’ero wan ta’an sa’am to pupeelum la to pu’usegɔ. Wana wa zuo la, la nari ti to bisa tomea soŋa la ton ti’iseri yelese’a.—Mag 4:23.

BISƐ VIDIYO LA ZUO N DE TO MABIISI N ITI SE’EM TARA SUMA’ASUM HALI LA BÃ’ASI POAN GE NYAA LEBESE SOKE ANA WA:

• Nikki yuun eŋɛ la bem ti la soŋɛ en ti a ta’an ŋmibe ze’ele a puti’ira bã’a la poan?

  Lebese

• Beni n sɔi ti Nikki yuun ti’isɛ ti a nari ti a nyɛ dɔgeta?—Mt 9:12

  Lebese

• Nikki yuun eŋɛ la bem ti la pa’alɛ ti a dekɛ la amea delum Yehowa ti a soŋɛ en?

  Lebese