Tanan kita makabatyag gid sang kasubo kon kaisa. Pero indi buot silingon sini nga maluya kita sa espirituwal. Bisan gani si Jehova nakabatyag man sang kasubo. (Ge 6:5, 6) Pero ano abi kon sobra na ang aton kasubo kag daw wala ini nagakadula?

Mangamuyo kay Jehova. Interesado gid si Jehova sa aton ginahunahuna kag ginabatyag. Kabalo sia kon nalipay kita ukon nasubuan. Naintiendihan niya ang aton ginahunahuna kag ginabatyag. (Sa 7:9b) Labaw sa tanan, palangga kita ni Jehova kag masarangan niya nga buligan kita kon masubuan kita ukon ma-depress.—Sa 34:18.

Halungi ang imo hunahuna kag balatyagon. Kon negatibo ang aton ginahunahuna, madula ang aton kalipay kag maapektuhan ang aton kaangtanan kay Jehova. Gani, importante gid nga halungan naton ang aton tagipusuon—ang aton bug-os nga pagkatawo.—Hul 4:23.

TAN-AWA ANG VIDEO NGA KON PAANO ANG ATON MGA KAUTURAN NAKAEKSPERIENSIA SING PAGHIDAIT BISAN PA SANG DEPRESYON, DAYON SABTI ANG MASUNOD NGA MGA PAMANGKOT:

• Ano ang ginhimo ni Nikki para masarangan niya ang depresyon?

  Ang imo sabat

• Ngaa para kay Nikki kinahanglan niya magpadoktor?—Mat 9:12

  Ang imo sabat

• Paano ginpakita ni Nikki ang pagsalig kay Jehova nga buligan sia?

  Ang imo sabat