Bisi maya semua kitai berasai tusah ati. Lebuh kitai berasai tusah ati, tu ukai tanda kitai lemi ba pengarap. Indah Jehovah kala madahka diri tusah ati. (Pkal 6:​5, 6) Tang baka ni enti kitai selalu berasai balat tusah ati?

Giga tulung ari Jehovah. Jehovah amat ibuhka pasal pengerai kitai ba mental enggau emosi. Iya nemu maya kitai gaga ati sereta maya kitai tusah ati. Iya nemu kebuah kitai berundingka tauka ngasaika sesiti utai. (Ms 7:9b) Ke pemadu penting nya, Jehovah ibuhka kitai sereta ulih nulung kitai napi asai ati ti tusah indah kemurungan (depression.)—Ms 34:18.

Jaga meh runding enggau emosi nuan. Enti kitai suah berunding enggau negatif, nya ukai semina ngasuh kitai enda gaga ati, tang nya mega ulih ngachau kaul kitai enggau Jehovah. Ketegal tu kitai patut nyaga runding enggau ati kitai—ke ngambarka sapa kitai ke bendar.—Jlam 4:23.

PEDA VIDEO BAKA NI BALA MENYADI KRISTIAN KITAI NGASAIKA PENGELANTANG TAJA PAN NAPI KEMURUNGAN, LALU SAUT TANYA TU:

• Nama utai ke digaga Nikki ti nulung iya napi kemurungan?

  Saut nuan

• Nama kebuah Nikki ngasaika diri patut betemu enggau lutur?—Mat 9:12

  Saut nuan

• Baka ni chara Nikki bepanggai ba tulung ari Jehovah?

  Saut nuan