Kĩla mũndũ nũthataa mavinda kwa mavinda. Kũthata kũyonanasya kana tũimwendete Yeova. Na nengĩ, o nake Yeova nĩwoonanisye kana nũthataa mavinda amwe. (Mwa 6:​5, 6) Ĩndĩ nata ethĩwa nĩtũthataa mũno mavinda kwa mavinda kana tũtindaa tũthatĩte?

Mũkũlye Yeova aũtetheesye. Yeova nĩwendeeawʼa mũno nĩ ũndũ tũkwĩwʼa. Nĩwĩthĩawa esĩ yĩla twĩ atanu o na yĩla tũthatĩte. Nũeleawa kĩla kĩũtuma tũsũanĩa ũndũ mũna kana twĩwʼa ũndũ mũna. (Sav 7:9b) Na ũndũ ũla wa vata vyũ, Yeova nũtũthĩnĩkĩaa, na no atũtetheesye yĩla tũthatĩte kana tũkwʼĩte ngoo mũno.—Sav 34:18.

Sũvĩa kĩlĩko kyaku. Kwĩthĩwa na woni ũtaĩle no kũtume twĩthĩwa tũte atanu, o na no kwanange ngwatanĩo yitũ na Yeova. Kwoou, nũseo tũkasũvĩaa ngoo sitũ, kana ũndũ tũilye nthĩnĩ.—Nth 4:23.

ĨLOELEI VITIO, ŨNDŨ ANA-A-ASA METHĨĨTWE NA MŨUO O NA KAU NĨMAKWʼĨTE NGOO MŨNO, NA ĨNDĨ MŨISŨNGĨA MAKŨLYO AA:

• Nikki oosie matambya meva nĩ kana omĩanĩsye na kũkwʼa ngoo mũno?

  Ũsũngĩo waku

• Nĩkĩ Nikki weewʼaa ve vata wa kũmantha ũtethyo wa ndakĩtalĩ?—Mt 9:12

  Ũsũngĩo waku

• Nĩ maũndũnĩ ta meva wamwĩkwatisye Yeova amũtetheesye?

  Ũsũngĩo waku