Bantangu ya nkaka, beto yonso ke vandaka mawa-mawa. Kana muntu ke wa mutindu yina, yo ke tendula ve nde yandi kele ve muntu ya kimpeve. Nkutu Yehowa monisaka nde bantangu ya nkaka, yandi ke waka mpi mawa. (Kuy 6:5, 6) Ebuna nki nge fwete sala kana nge kele na mawa ya mingi mbala na mbala to ntangu yonso?

Samba Yehowa sambu yandi sadisa nge. Yehowa ke tulaka dikebi mingi na mutindu beto ke waka. Yandi ke zabaka kana beto kele na kiese to na mawa. Yandi ke bakisaka bikuma yina ke pusaka beto na kuwa mawa. (Nk 7:9b) Kima ya kuluta mfunu kele nde, Yehowa ke zolaka beto mpi yandi ta sadisa beto kana beto kele na mawa to kana beto ke niokwama na mabanza.​—Nk 34:18.

Tanina mabanza na nge. Kana beto me lemba nitu, yo lenda manisa beto kiese mpi yo lenda sala nde beto sambila ve Yehowa mbote. Yo yina, beto fwete tanina ntima na beto, disongidila kimuntu na beto ya mvimba ya kati.​—Bin 4:23.

BENO TALA VIDEO MUTINDU BAMPANGI NA BETO KELE NA NGEMBA ATA BO KE NIOKWAMA NA MABANZA MPI NA NIMA BENO PESA BAMVUTU NA BANGIUFULA YAI:

• Inki mambu ya mfunu mpangi Nikki salaka sambu yo sadisa yandi na maladi ya kuniokwama na mabanza?

  Your answer

• Sambu na nki mpangi Nikki bakisaka nde yandi fwete solula ti munganga?​—Mat 9:12

  Your answer

• Inki mambu mpangi Nikki salaka sambu na kutudila Yehowa ntima sambu yandi sadisa yandi?

  Your answer