Ɔlman gɛt tɛm we i nɔ kin gladi. We wi nɔ gladi dat nɔ min se wi nɔ gɛt fet pan Jiova igen. Ivin Jiova insɛf tɔk bɔt tɛm dɛn we i nɔ bin gladi. (Jɛn 6:​5, 6) Bɔt wetin wi go du if bɔku tɛm wi nɔ kin gladi ɔ wi nɔ kin gladi ɔltɛm?

Pre to Jiova fɔ ɛp yu. Jiova rili bisin bɔt di we aw wi de tink ɛn di we aw wi de fil. I no di tɛm we wi gladi ɛn we wi nɔ gladi. I ɔndastand wetin mek wi de fil ɛn tink da we de. (Sam 7:9b) Wetin impɔtant pas ɔl, Jiova bisin bɔt wi ɛn i want fɔ ɛp wi fɔ bia di tɛm dɛn we wi nɔ gladi ɔ we wi at pwɛl.—Sam 34:18.

Protɛkt yu maynd. Pwɛl at nɔ jɔs de mek wi nɔ gladi, bɔt i de ambɔg wi padi biznɛs wit Jiova. Na dat mek i fayn fɔ mek wi protɛkt wi at, di pɔsin we wi bi insay, di we aw wi de tink ɛn fil.—Prɔ 4:23.

WACH DI VIDIO WE GƐT DI TAYTUL, AW WI BRƆDA ƐN SISTA DƐN DE ƐNJƆY PIS PAN ƆL WE DƐN GƐT SIRIƆS PWƐL AT, DƆN UNA ANSA DI KWƐSTYƆN DƐN WE DE DƆŊ:

• Us tin dɛn Niki bin du fɔ ɛp am fɔ bia wit di siriɔs pwɛl at we i bin gɛt?

  Yu ansa

• Wetin mek Niki bin fil se i nid fɔ go ɔspitul?—Mat 9:12

  Yu ansa

• Us difrɛn we dɛn Niki bin abop pan Jiova fɔ ɛp am?

  Yu ansa