Muntu nionso kevuandaka na kiadi na bantangu yankaka. Kana beto kele na kiadi yazola monisa ve ti beto kele ve na kiminu na Yehova. Ya kedika, ata Yehova mpe monisaka ti yandi vuandaka na kiadi na bantangu yankaka. (Kuy 6:5, 6) Kasi yinki beto kesala kana beto kevuandaka na kiadi ya ngolo mbala mingi to konso ntangu?

Sambilaka Yehova samu na kulomba lusadusu. Yehova ketulaka mpenza dikebi na banguilu na beto. Yandi kezabaka ntangu yina beto kele na kiese mpe ntangu yina beto kele na kiadi. Yandi kezabaka samu na yinki beto kena kukanisa mpe beto kena kukimona mutindu yina. (Nk 7:9b) Diambu meluta mfunu, Yehova ketudilaka beto dikebi mpe yandi lenda sadisa beto nunga banguilu ya kuvuanda na kiadi to ata mpe kuniokuama na makanisi.​—Nk 34:18.

Tanina makanisi na nge. Ntangu beto kele ya kulemba, yakekatulaka kaka ve kiese na beto, kasi yalenda vuanda diaka na bupusi na nguizani na beto na Yehova. Samu na mfunu yango, yakevuanda mbote kutanina ntima na beto​—kimuntu na beto nionso ya kati.​—Bin 4:23.

TALA VIDEO MUTINDU BAMPANGI NA BETO KELE NA KIYENGE ATAKO BAKENA KUNIOKUAMA NA MAKANISI, MPE NA MANIMA PESA BAMVUTU NA BIUVU YAYI MELANDA:

• Yinki diambu ya mfunu Nikki salaka yina sadisaka yandi samu yandi nunga kuniokuama na makanisi?

  Mvutu na nge

• Samu na yinki Nikki kukimonaka ti yandi fueti sosa lusadusu ya munganga?​—Mat 9:12

  Mvutu na nge

• Yinki mutindu Nikki tudilaka Yehova ntima samu yandi sadisa yandi?

  Mvutu na nge