TUIKALAYI NE NSOMBELU WA BUENA KRISTO
Yehowa udi upandisha badi bazajibue mu lungenyi luabu
Kudi misangu itu muntu yonso umvua kanyinganyinga. Kumvua kanyinganyinga kakuena kumvuija ne: tudi batekete mu nyuma to. Tuamba eku tuela eku, nansha Yehowa pende wakaleja ne: kutu bikondo bituye umvua kanyinganyinga. (Gen 6:5, 6) Kadi ntshinyi tshitudi mua kuenza tuetu tumvua kanyinganyinga kakole dîba dionso?
Lomba Yehowa diambuluisha. Yehowa utu uditatshisha bua mututu tudiumvua. Mmumanye patutu ne disanka ne patutu ne kanyinganyinga. Utu umvua bua tshinyi tutu tuela meji mushindu kampanda ne tudiumvua mushindu kansanga. (Mis 7:9b) Bualu bua mushinga menemene budi ne: utu ututabalela ne udi mua kutuambuluisha bua tumanye mua kupita bimpe ne kanyinganyinga anyi mene dibungama dikole.—Mis 34:18.
Kuba meji ebe. Ngenyi mibi idi mua kutujimijila disanka ne kunyanga kabidi bulunda buetu ne Nzambi. Ke bualu kayi, mbimpe tukube mioyo yetu, mmumue ne: tshitudi munda menemene.—Nsu 4:23.
NUTANGILE FILME WA MUDI BANA BETU BAPETA DITALALA NANSHA PADIBU NE DISAMA DIA KABUNGAMA, PASHISHE NUANDAMUNE NKONKO EYI:
-
Mmalu kayi avua Nikki muenze avua mamuambuluishe bua kupita bimpe ne disama dia kabungame?
-
Bua tshinyi Nikki uvua mumone ne: bivua bikengela aye kumonangana ne munganga?—Mat 9:12
-
Mmushindu kayi uvua Nikki muleje ne: uvua weyemena Yehowa bua amuambuluishe?
