CHIYOYELO CHAVAKA-KULISHITU
Yehova Eji Kulwilanga Vaze Vanahombo
Lwola lumwe tuvosena tweji kwivwanga kupihya. Chipwe ngocho, kwivwa kupihya kachalumbununa nge tunazeye kushipilituko. Mbimbiliya yasolola ngwayo lwola lumwe naYehova eji kwivwanga kupihya. (Kup 6:5, 6) Jino vyuma muka twatela kulinga kachi nge tweji kwivwanga kupihya chikuma kaha nawa lwola lwosena?
Lombenu Yehova amikafwe. Yehova asaka kutachikiza omwo tweji kwivwanga. Eji kutachikizanga nge tunawahilila chipwe nge tunevu kupihya. Eji kwivwishisanga ovyo tweji kushinganyekelanga vyuma vimwe nomwo tweji kwivwanga. (Ji 7:9b) Twawahilila chikuma hakutachikiza ngwetu Yehova atuzakama kaha nawa nahase kutukafwa tuhone kulizakamina chipwe kuhomba.—Ji 34:18.
Kingenu vishinganyeka vyenu. Kuhomba chinahase kutulingisa tuhone kupwa vakuwahilila nakwenyeka usepa wetu naYehova. Shikaho, twatela kukinga muchima wetu.—Vis 4:23.
TALENU VINDIYO YAKWAMBA NGWAVO, OMWO VANDUMBWETU VALI NAKUTWAMA MUKUUNDA CHAMOKOMOKO NAKUHOMBA, KUFUMAHO KUMBULULENU VIHULA VINAKAVANGIZAHO:
-
Vyuma muka alingile ndumbwetu wapwevo Nikki vize vyamukafwile ahone kuhomba?
-
Vyuma muka vyalingishile Nikki ashinganyeke ngwenyi atela kulimona nandotolo?—Mat 9:12
-
Uno Nikki asolwele ngachilihi ngwenyi apendaminyine hali Yehova amukafwe?
