VINO AWINA KLISTU WAZIPIZILE UKUWA
E Yehova Akatula Wano Isuwilo Lyawo Lyapelela
Swensinyene mpindi zimwi tukasakamikwa. Lelo co-o citakupiliwula ukuti lyo tutasuwila Yehova. Amuno ne Yehova nye umweneco watunena ukuti nawenye mpindi zimwi akayivwa uwuwi. (Inta. 6:5, 6) Nomba tungacita wuli nga cakuti lyonsinyene tukayivwa uwuwi?
Mwapepa ukuti e Yehova amyavwe. E Yehova wawika sana amano kwe vino tukayivwa swinya akamanya pano tuli ni nsansa napano tusakamisilwe. Cinji acakuti wamanya umulandu wuno tukakwelenganya nukuyivwa ndi vino tukuyivwa. (Amalu. 7:9b) Nicicindamisye acakuti, akatusakamala swinya angatwavwa ukusipicizya pano tukuyivwa uwuwi na pano tusakamisilwe.—Amalu. 34:18.
Mwacinjilila amelenganyo yinu. Ukuyivwa uwuwi kutange kutumalevye insansa lelo kungalenga na wuciwuza witu ne Yehova ukunyocela ku nsizi. Acino tuzipizile ukucinjilla imyezo yitu —akuli ukuti uwuntu witu wonsinye.—Imilu. 4:23.
-
Avyani vino e Nikki wacisile pakuti aleke ukusakamikwa?
-
Amulandu ci wuno e Nikki waweni ukuti calinji icete ukuya mukulola dokota?—Mat. 9:12
-
Amunzila ci zimwi zino e Nikki walanjizizye ukuti wasintilizile pa kwavwa kwa kwe Yehova?