TƆƆ̄DUM DOODOO PYA NƐƐ KRAIST
Jɛhova Wee Kpɔā Pya Wa Edɔɔ̄ Lu Ezag Biikɛ̄
A naa ɛrɛ lɔgɔ nɛɛ bu ye sii biira. Kɔ bu nɛɛ biira naa kura kɔ lo nɛɛ ɔloo bu yira. Baibol kɔnage kɔ a ɛrɛ sɔ̄ bu Jɛhova bee biira. (Jɛn 6:5, 6) Mɛ lo alu kɔ bu i bialoo wee biira gbɛnɛ-edo sɔ̄ ale dɛ̄dɛɛ̄ sɔ̄ ni a?
Yere kara nɛ Jɛhova kɔ a yerebah a nɛ. Jɛhova naa su kɛ̄ nu i tɔɔ̄loo doo biābii, a kuī ye loo. A suā sɔ̄ i le bu ɛɛbu le sɔ̄ i le bu biirabu. A dābeeloo nu anua i kɛɛrɛ nu dookɛ̄ i doo, le kɛ̄ nu i tɔɔ̄loo doo. (Yɔɔ 7:9b) E lo a kuī eera na kɔ, Jɛhova kuū i dɛɛ̄loo sa a dap i yerebah nɛ kɔ i tāma i biirabu le pya i kɛ̄tɔɔ̄ a bee kɔ bɛābu naale loo.—Yɔɔ 34:18.
Baɛloo pya nu o kɛɛrɛ bu o beenyiɛ. Pya ekɛɛrɛ a dap ɔɛloo nɛɛ dap doo kɔ i bia bu biirabu sa a dap ɛrɛ pɔrɔ pah nyɔɔ i taāŋabah. Nyɔɔwo, elee lo i kpega i ekɛɛrɛ beenyiɛ, lo a le dɛ̄dɛɛ̄ nu i lu li bu.—Kam 4:23.
SI EE VIDIO A KURA KƐ̄ PYA I WUGA AA KIISĪ LO E’ƐRƐ EFƐƐLOO DOO KAƐLƐƐ BIINƐKƐ̄, LƐƐ BUI AGARA PYA EBIP A NYƆƆNƐ AMA:
-
Pya e na Nikki bee doo lokwa a dap tāma gbɛnɛ ekɛɛrɛ a?
-
Ena anua Nikki bee muɛ kɔ alu ebɛɛ̄ kɔ a si tɔpie a?—Mat 9:12
-
Bu pya amunu sīdee na Nikki bee dɛɛa nyɔɔ Jɛhova loo yerebah a?