Не ’ппӕт дӕр хатт цӕйдӕр тыххӕй ӕрӕнкъард вӕййӕм. Фӕлӕ уый ууыл дзурӕг нӕу, ӕмӕ нӕ уырнындзинад лӕмӕгъ у. Суанг ма Йегъовӕйӕн дӕр йӕ зӕрдӕ цӕуылдӕрты фӕриссы (Рд 6:5, 6). Фӕлӕ кӕд дӕхимӕ арӕх ныхъхъусыс кӕнӕ ӕдзух ӕнкъард вӕййыс, уӕд дӕ бон цы у саразын?

Йегъовӕйӕ ӕххуыс кур. Йегъовӕ нын не ’нкъарӕнтӕм куыдфӕндыйы цӕстӕй нӕ кӕсы. Уый фӕуыны, хъӕлдзӕг кӕнӕ ӕнкъард куы вӕййӕм. Фӕзоны, цавӕрдӕр хъуыдытӕ ӕмӕ нӕм ӕнкъарӕнтӕ цӕмӕн вӕййы, уый (Пс 7:9б). Ӕппӕты ахсджиагдӕр та уый у, ӕмӕ нӕ Йегъовӕ уарзы ӕмӕ нын ӕххуыс кӕны, цӕмӕй тох кӕнӕм ныфссӕттӕг хъуыдытимӕ ӕмӕ ма суанг депрессиимӕ дӕр (Пс 34:18).

Дӕ зонд хъахъхъӕн. Ныфссаст куы вӕййӕм, уӕд уый фӕзыны, Йегъовӕимӕ нын цы хӕлардзинад ис, ууыл дӕр. Уымӕ гӕсгӕ хъуамӕ нӕ хъус дарӕм нӕ хъуыдытӕм, ӕмӕ-иу нӕ зӕрдӕ хъахъхъӕнӕм (Ӕм 4:23).

БАКӔС ВИДЕОРОЛИКМӔ «ХОТӔ ӔМӔ ӔФСЫМӔРТӔН СӔ ЗӔРДӔТЫ ИС ФАРН, КӔД ДЕПРЕССИИМӔ ТОХ КӔНЫНЦ, УӔДДӔР» ӔМӔ ДЗУАПП РАТТ АЦЫ ФАРСТАТӔН:

• Никкийӕн цы баххуыс кодта депрессиимӕ тох кӕнынӕн?

  Дӕ дзуапп

• Никки цӕмӕн сфӕнд кодта дохтырмӕ ацӕуын? (Мф 9:12)

  Дӕ дзуапп

• Никки йӕ ныфс Йегъовӕйыл кӕй дардта, уый цӕмӕй уыд бӕрӕг?

  Дӕ дзуапп