ALI CAWANAPAJ
Jehová yanapanmi pasaypa laquicuycarla caycajcunata
Öraga caway vidanchichoga imalapitapis laquicuycanchimi. Pero chayga manami ninanchu Jehovaman mana yäracushganchita. Öraga quiquin Jehová laquicushganta Biblia wilacunmi (Gé 6:5, 6). Pero punurpis sharcurpis amatar laquicuycarla caycarga, ¿imataraj rurashwan?
Jehovata ruwacuy yanapäshunayquipaj. Jehová munanmi shongunchipis yarpayninchipis ali cananta. Pay musyanmi imacuna wagachimashganchitapis o cushichimashganchitapis. Chaymi nishwan Jehovalami shumaj tantiamanchi imapa pasaycashganchitapis (Sl 7:9b). Y mana chaylachu, laquicuycaptinchipis o amatar laquesalawan caycaptinchipis, Jehovaga yanapaycalämäshunmi, päga yarpachacunmi jucninchi jucninchipaj (Sl 34:18).
Ali cajcunalata yarpänayquipaj calpachacuy. Imalapitapis laquesalawan caycarga guelanarpis guelanäcurishwanchi, öraga Jehovapita raquicar galaycushwanchi. Chaymi alapa ali canga shongulanchicho ima yarpaycashganchita o ima munaycashganchita cuenta gocunapaj (Pr 4:23).
CAY VIDEUTA RICÄRIY: HERMANUNCHICUNA JAUCALA CARCAYCAN DEPRESIUNWAN NACAYCARPIS. NIRCUR CAY TAPUCUYCUNAPITA PARLACAMUY:
-
¿Imatataj rurargan Nikki jutiyoj cristiana pasaypa laquicuycarla mana cacunanpaj?
-
¿Imanotaj cuentata gocurgan docturmanraj jampicoj aywananpaj? (Mt 9:12).
-
¿Imacunata rurartaj Jehovalaman yäracurgan?