Llaquilla sintirinaca normalmi can. Shina sintirinaca espiritualmente mana sinchi cashcataca mana nisha ninchu. Jehová Diospishmi huaquinpica llaquilla sintirin (Gé 6:​5, 6). Pero dimastij llaquilla cashpaca, ¿imatataj rurana canchij?

Jehová Diospaj ayudata mashcai. Paica yuyaipi, shungupi alli sintirichunmi munan. Shinallataj llaquilla o cushilla sintirishcataca allimi yachan (Sl 7:9). Ama dimastij llaquilla sintirichunpishmi ayudasha nin (Sl 34:18).

Alli yuyaicunata charingapaj esforzari. Mana allicunallapi yuyashpaca llaquillami sintirishun. Shinallataj Jehová Diosmantami asha asha caruyashun. Chaimantami ñucanchij shunguman mana alli yuyaicuna ama yaicuchun cuidarina canchij (Pr 4:23).

LLAQUICUNA RICURIJPIPISH HUAUQUI PANICUNACA SUMAJTA CAUSASHPAMI CATINCUNA (DEPRESIONTA CHARISHPAPISH) NISHCA VIDEOTA RICUSHCA QꞌUIPACA CATIJ TAPUICUNATA CUTICHI:

• ¿Pani Nikkica ama llaquilla sintiringapajca imatataj rurarca?

  Respuesta

• ¿Nikkica imamantataj doctorpajman rirca? (Mt 9:12).

  Respuesta

• ¿Nikkica Jehová Diospi confiashcataca ima shinataj ricuchirca?

  Respuesta