Sakoneske šaj el varekana phares pro jilo. Te vareko ciťinel pharipen andro jilo, oda na sikavel, hoj našaďa o paťaviben. Mek the o Jehovas sikaďa pal peste, hoj varekana hin leske phares pro jilo. (1Mo 6:5, 6) Aľe so šaj keres, te tut o jilo na preačhel te dukhal?

Mang le Jehovas, kaj tuke te pomožinel. Le Jehovaske nane jekh, sar pes ciťinas. Ov džanel, kana sam bachtale a kana hin amenge phares pro jilo. Tiš lačhes achaľol oleske, soske pes avka ciťinas a soske avka premišľinas. (Ža 7:9b) Predal amende hin nekbareder oda, hoj o Jehovas pes starinel pal amende the šaj amenge pomožinel, kaj pes te na vzdas, te hin amenge phares pro jilo, the te sam andre depresija. (Ža 34:18)

Chraňin tuke e goďi. Oda, hoj hin amenge phares pro jilo, na ľidžal ča ke oda, hoj na sam bachtale, aľe tiš amen šaj oda odcirdel le Jehovastar. Vašoda keras lačhes, te amenge chraňinas amaro jilo, čiže le manušes, savo sam andral u andre oda hin sar premišľinas, the so ciťinas. (Prí 4:23)

DIKHEN O VIDEJO O PHRALA THE PHEŇA ZADŽIVEN O SMIROM, THE TE HIN LEN DEPRESIJA A PAĽIS VAKEREN JEKHETANE:

• So lačho kerďa e Nikki, kaj pes te na poddel la depresijake?

  Sar odpheneha

• Soske e Nikki achaľiľa, hoj lake kampel te džal ko dochtoris? (Mat 9:12)

  Sar odpheneha

• Sar pes e Nikki mukhelas pro Jehovas, hoj lake pomožinela?

  Sar odpheneha