Sekova jekh amendar ponekogaš osetinela pe tažno. Adava so osetinaja amen agjaar na značinela kaj nane amen vera ko Jehova. Čak o Jehova ponekogaš osetinela pe tažno (1Mo 6:5, 6). Ama, so ako često ili čak nonstop optovarinena amen asavke čuvstvija?

Molin e Jehova baši pomoš. E Jehovaske tano but važno amaro emocionalno sastipe. Ov džanela keda siem srekjna hem keda siem tažna. O Jehova haljovela soske razmislinaja hem osetinaja amen ko nesavo odredeno način (Ps 7:9b). Ama soj najvažno, o Jehova grižinela pe amenge hem šaj te pomožinel amen ako siem tažna, pa čak ako isi amen depresija (Ps 34:18).

Grižin tut bašo tlo emocionalno sastipe. O negativna čuvstvija šaj te vlijajnen ki amari srekja, ama hem ko amaro amalipe e Jehovaja. Adaleske, šukar tano te zaštitina amaro vilo, javere lafencar amari andruni ličnost (Iz 4:23).

DIKH O KLIPI AMARE PHRALJA ISI LEN MIR IAKO ISI LEN DEPRESIJA, A PALO ADAVA ODGOVORIN KO AKALA PUČIBA:

• Kola praktična bukja kergja i Niki te šaj te ikljovel ko krajo e depresijaja?

  Tlo odgovor

• Soske i Niki mislingja kaj valjanela lake medicinsko pomoš? (Mt 9:12).

  Tlo odgovor

• Sar sikavgja i Niki kaj isi la doverba ki e Jehovaskiri pomoš?

  Tlo odgovor