Podijekh puti svako amendar osetini pe tužno. Odova na značini so nane amen vera. Sar so e Devleso Lafi mothovi, čak hem o Jehova podijekh puti tano tužno (Pst 6:5, 6). Ama, so ako but putija hijam tužna ja uvek hijam tužna?

Molin e Jehova te pomožini tut. O Jehova brinini pe ando amare osećanja. Ov đanela ked amen hijam bahtale hem ked hijam tužna. Ov haljola sose razmislinaja ko disavo način hem sose osetinaja amen ađahar (Ps 7:9b). Soj tano najvažno, o Jehova brinini pe amendar. Ked hijam tužna ja depresivna, ov pomožini amen te borina amen odoleja (Ps 34:18).

Arakh ti godi. O negativna osećanja šaj te utičinen ko amaro bahtalipe hem ko amaro amalipe e Jehovaja. Sebepi odova, valjani te arakha amaro vilo, a odova uključini amaro razmislibe hem amare osećanja (Psl 4:23).

DIKH O VIDEO SAR AMARE PHRALJA ISI LEN MIR IAKO TANE NABORME, HEM PALO ODOVA ODGOVORIN KO AKALA PUĆIBA:

• Ked i Niki hine la depresija, so pomožinđa laće te borini pe?

  To odgovor

• Sose i Niki đelji ko doktori? (Mt 9:12)

  To odgovor

• Sar i Niki osloninđa pe upro Jehova?

  To odgovor