Μπάζιμα, σαρέ νιωθίνασα στεναχωριμέ. Όμως ανταβά να μανγκέλα τι βακερέλ ότι να τθεράσα ζουρανί πίστη. Ο Ιεχωβά βακερντάς ότι ατζέ-ντα βοβ ισί φαρ σο νιωθίνελα στεναχωριμέ. (Γε 6:​5, 6) Αλλά σο αβέλα-πες άμα νιωθίνασα μπουτ φαρ ή ατζέ-ντα συνέχεια μπουτ μπαρί στεναχώρια;

Προσευχίντιβεν κο Ιεχωβά ντα μανγκέν λέσταρ βοήθεια. Ο Ιεχωβά ενδιαφερίντιβελα μπουτ τι σικλιόλ σαρ νιωθίνασα. Βοβ τζανέλα κάνα ισινάμ χαρούμενοι ντα κάνα ισινάμ στεναχωριμέ. Αγαβέλα σόσκε σκεφτιντάμ ή νιωσάλαμ κάτι. (Ψλ 7:9β) Ο πο σημαντικός ισί ότι ο Ιεχωβά πφαμπόλα αμένγκε ντα μπορίνελα τι βοηθίνελ-αμέν τι κεράς κουμάντος αμαρέ συναισθήματα άμα ισινάμ στεναχωριμέ ή ατζέ-ντα άμα τθεράσα κατάθλιψη.​—Ψλ 34:18.

Αρακχαβέν τουμαρί γκοντί. Ο μπέτι αισθήματα μπορίνενα τι επηρεάνεν εμ αμαρί χαρά εμ αμαρί λατρεία. Οτθάρ, ισί σημαντικός τι αρακχαβάς αμαρό γκι​—οντουλά σο σκεφτίνασα ντα αμαρέ συναισθήματα.—Παρ 4:​23.

ΝΤΙΚΧΕΝ Ο ΒΙΝΤΕΟΣ ΣΑΡ ΑΜΑΡΕ ΠΦΡΑΛΑ ΤΘΕΡΕΝΑ ΕΙΡΗΝΗ ΠΑΡΟΛΟ ΣΟ ΤΘΕΡΕΝΑ ΚΑΤΑΘΛΙΨΗ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά πράγματα κερντάς η Νίκι σο βοηθιντέ-λα τι κερέλ κουμάντος ι κατάθλιψη;

  Τι απάντηση

• Σόσκε αγαντάς η Νίκι ότι χρειαζίντιβελας γιατρόσκι βοήθεια;​—Ματ 9:​12

  Τι απάντηση

• Καλέ τροπόντζαρ ντινάς μπέσα η Νίκι κο Ιεχωβά για τι βοηθίνελ-λα;

  Τι απάντηση