MORIS NUʼUDAR EMA KRISTAUN
Jeová tau matan ba sira neʼebé laran-triste
Ema hotu dala ruma sente triste. Neʼe laʼós katak ita la iha fiar ba Jeová. Dala ruma, Jeová mós sente triste. (Gén 6:5, 6) Maibé, oinsá se ita sente triste beibeik ka ba tempu naruk?
Halo orasaun husu Jeová nia ajuda. Jeová interese kona-ba ita-nia saúde mentál no emosaun. Nia hatene kuandu ita sente triste no kontente. Nia komprende tanbasá mak ita hanoin no sente hanesan neʼe. (Sal 7:9b) Importante liu mak Jeová hanoin ita no bele ajuda ita atu tahan hasoru sentimentu triste ka depresaun.—Sal 34:18.
Tau matan ba Ita-nia saúde mentál. Hanoin negativu bele halo ita la kontente no mós bele afeta ita-nia adorasaun ba Jeová. Tan neʼe, ita presiza proteje didiʼak ita-nia laran.—Prv 4:23.
HAREE VÍDEO OINSÁ ITA-NIA IRMAUN-IRMÁN SIRA IHA DAME MASKI DEPRESAUN, DEPOIS HATÁN BA PERGUNTA TUIRMAI:
-
Saida mak Nikki halo atu ajuda nia tahan depresaun?
-
Tanbasá mak Nikki sente katak nia presiza hetan ajuda médiku nian?—Mt 9:12
-
Iha dalan saida deʼit mak Nikki sadere ba Jeová atu ajuda nia?
