JA SAKʼANIL JA YAʼTIJUM DYOS
Ja Jyoba wa skoltay ja matik elel sgana
Ayni ekʼele wa x-och jtristeʼiltik. Pe ja tristeʼil mini wa stojolan yuj mey kiʼojtik skʼuʼajel. Pes yujni ay ekʼele asta ja Jyoba wa x-och stristeʼil (Gé 6:5, 6). Pe ¿jas oj bʼobʼ jkʼuluktik ta jel tikʼan x-och jtristeʼiltik ma tolabida jach aytik?
Kʼanayi a-skoltaya ja Jyoba. Ja yeʼn jelni xcham skʼujol ja bʼa jastal wa xkabʼ aytik sok bʼa lek oj ajyuk ja jpensartik. Wani snaʼa lek ja yajni triste aytik ma gusto aytik. Ja Jyoba wani xyabʼ stojol jas yuj jach wa xkabʼ aytik sok wa xpensarantik jachuk (Sl 7:9b). Sok ja mas tʼilani, wani xbʼobʼ skoltayotik ja yajni triste aytik ma elel jganatik, pes yujni wa xcham skʼujol bʼa keʼntik (Sl 34:18).
Talnay jawa pensar. Ja pensarik mi stojoluk mi kechan wa xbʼobʼ xchʼay ja jastal gusto aytik, cha wani xbʼobʼ sjom ja jastal wa xkila jbʼajtiksok ja Jyoba. Ja yuj jelni tʼilan oj talnaytik ja jkʼujoltik, wa xkʼan kaltik, ja jastal kʼotel ja bʼa kojoltik, bʼa ti chʼikan ja jpensartik sok ja jastal wa xkabʼ aytik (Pr 4:23).
YAJNI ILXITA JA BIDEO JA KERMANOTIKI LAMAN AYE AMA YUJA JELXELXA CHAMKʼUJOLI, AYI SJAKʼJEL JA SJOBʼJELIK IT:
-
¿Jasa skʼulan ja Nikki bʼa oj kuchyuj ja jelxelxa chamkʼujol?
-
¿Jastal kʼot snaʼ ja Nikki ke tʼilan oj waj bʼa jun loktor? (Mt 9:12).
-
¿Jasa skʼulan ja Nikki bʼa oj sjip skʼujol bʼa Jyoba?
