Issi issitoo, oonikka azzanees. Azzaniyogee ayyaanaaban shugo gidiyogaa bessiyaba gidenna. Haray atto, Yihoowaykka azzanido wodeti deˈoosona. (Doo 6:5, 6) Gidoppe attin, nuuni darotoo woy ubba galla keehi azzaniyaba gidikko shin?

Maaduwa demmanawu Yihoowa woossite. Yihooway nuuyyo siyettiya ubbabaa loytti erees. Nuuni ufayttiyo wodekka azzaniyo wodekka erees. Nuussi hegaadan siyettido gaasuwakka I loytti akeekees. (Maz 7:9) Ubbaappe aaruwan, Yihooway nuuyyo qoppiyo gishshawu, nuuni azzaniyogaa woy unˈˈettiyogaa agganaadan I nuna maaddana danddayees.—Maz 34:18.

Intte qofaa naagite. Nuuni hidootaa qanxxiyo wode ufayttennaagaa xalla gidennan, Yihoowaara dabbotido nu dabbotaykka moorettana danddayees. Hegaa gishshawu, nu wozanaanne qofaa minttidi naagana koshshees.—Lee 4:23

NU ISHANTTI SAROTETTAN DEˈOOSONA—UNˈˈETTIIDDIKKA, GIYA BIIDUWA BEˈITE; YAATIDI KAALLIDI DEˈIYA OYSHATA ZAARITE:

• Niika unˈˈettiyogaa agganawu maaddiyabaa ay oottadee?

  Ne zaaruwa

• Niika dottoriya maadoy bawu koshshiyabadan qoppidoy aybissee?—Maa 9:12.

  Ne zaaruwa

• Niika Yihoowa maaduwa demmanawu ay ogetun an ammanettadee?

  Ne zaaruwa