Kita tanan usahay nasusubo. Kon nasusubo kita, diri karuyag sidngon nga maluya an aton espirituwalidad. Ngani, bisan hi Jehova mismo nagsiring nga may mga panahon nga nasusubo hiya. (Ge 6:5, 6) Pero ano man kon agsob o pirme kita naabat hin duro nga kasubo?

Pag-ampo kan Jehova para hin bulig. Interesado gud hi Jehova ha aton mental ngan emosyonal nga kahimsog. Maaram hiya kon nalilipay kita ngan kon nasusubo kita. Naiintindihan niya kon kay ano nga nahuhunahuna ngan naabat kita hin sugad hito. (Sal 7:9b) Labaw ha ngatanan, hinigugma kita ni Jehova ngan mabubuligan kita niya nga makaya an kasubo o depresyon pa ngani.—Sal 34:18.

Atamana an imo mental nga kahimsog. An negatibo nga mga pagbati mahimo makaapekto ha aton kalipay pati ha aton pakigsangkay kan Jehova. Tungod hini, ginbubuhat naton an pinakamaopay basi protektaran an aton kasingkasing, an aton bug-os nga pagkatawo.—Pr 4:23.

KITAA AN VIDEO NGA KON PAONAN-O AN KABUGTOAN NAGIGIN MURAYAW BISAN PA HAN DEPRESYON, NGAN BATONA AN MASUNOD:

• Ano nga praktikal nga mga butang an ginbuhat ni Nikki basi mabuligan hiya nga makaya an depresyon?

  An imo baton

• Kay ano nga inabat ni Nikki nga kinahanglan hiya magpabulig ha doktor?—Mat 9:12

  An imo baton

• Ha ano nga mga paagi sinarig hi Nikki ha bulig ni Jehova?

  An imo baton