Khumbu zinkaka, befu boso tumbanga mu kiunda. Mawu masinsundula ko ti tuisiko kiminu mu Yave. Tuzebi mawu kibila khumbu zinkaka, Yave mvandi wumbanga mu kiunda. (Ngene. 6:​5, 6) Vayi mbi tulenda vanga boti kiunda kidi mu kebuelamanga voti kisimmana ko?

Dinda Lusalusu kuidi Yave mu nsambu. Yave wumvuanga beni nkinza buvinha buitu ayi mabanza mitu. Nandi wunzabanga bo befu tumbanga mu kiunda ayi bo tumbanga mu mayangi. Nandi wumvisanga kibila mbi tunyindudilanga mu phila yimueka ayi wumvisanga mvandi mabanza mitu. (Minku. 7:9b) Dilutidi nkinza, nandi wutu vuanga nkinza ayi kalenda tusadisa kununga mabanza tuidi voti kiunda kingolo tulenda ba.— Minku. 34:18.

Kieba Buboti Mayindu Maku. Kiunda kingolo kilenda manisa mayangi mitu ayi kudekula kikundi kitu na Yave. Diawu tufueti kiebilanga ntim’itu, voti kimutu kitu ki khati.— Zinga. 4:23.

TALANU VIDEO BUIDI ZIKHOMBA ZITU BADI MU KUBAKILA NDEMBAMA KHETI MU KIUNDA KINGOLO, BOSI VANANU MIMVUTU MI BIUVU BINLANDA:

• Mambu mbi yaya Nikki kavanga muingi kanunga kiunda kingolo kaba?

  Mvutu’aku

• Kibila mbi yaya Nikki kayindudila ti waba tomba lusalusu lu mimfelimi?— Matai 9:12

  Mvutu’aku

• Mu ziphila mbi yaya Nikki katombila lusalusu lu Yave?

  Mvutu’aku