Normal u tristetal máak cada wa baʼax kʼiin. Le máax ku tristetaloʼ maʼ u kʼáat u yaʼal wa maʼ espiritualiʼ tumen tak Jéeoba ku tristetal yaan hora (Gé 6:​5, 6). Pero ¿kux túun wa jach táaj yaachajaʼan k-óol wa mantatsʼ tristeʼon?

Aʼal tiʼ Jéeoba ka u yáantech. Jéeobaeʼ u kʼáat ka a wuʼuyaba maʼalob. Letiʼeʼ u yojel baʼax kʼiin tristeʼon yéetel baʼax kʼiin kiʼimak k-óol tumen ku xakʼaltik k-puksiʼikʼal yéetel ku yilik jach bix k-uʼuyikba (Sl 7:9b). Pero Jéeobaeʼ maʼ chéen ku chaʼantik baʼax ku yúuchultoʼoniʼ, le Bibliaoʼ ku yaʼalikeʼ letiʼeʼ ku yáantik le máaxoʼob yaachajaʼan u yóoloʼob wa deprimidoʼoboʼ (Sl 34:18).

Kanáant bix a wuʼuyikaba. Le depresión yéetel le ansiedadoʼ jeʼel u beetik k-tuklik baʼaloʼob maʼ maʼalobtakeʼ, u pʼáatal maʼ kiʼimak k-óoliʼ yéetel jeʼel tak u beetik k-náachtal tiʼ Jéeobaeʼ. Le oʼolal le Bibliaoʼ ku yaʼalikeʼ jach kʼaʼabéet ‹k-kanáantik k-puksiʼikʼal›, wa le baʼaxoʼob k-tuklikoʼ yéetel le bix k-uʼuyikbaoʼ (Pr 4:23).

CHAʼANT LE VIDEO LE SUKUʼUNOʼOBOʼ YAAN JEETSʼELIL TIʼOB KEX YAANTIʼOB DEPRESIÓN, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxoʼob tu beetaj Nikki utiaʼal u aktáantik le depresiónoʼ?

  U núukil

• ¿Bix úuchik u tsʼáaik cuenta Nikki kʼaʼabéet u bin tu yiknal doctor? (Mt 9:12).

  U núukil

• ¿Bix úuchik u yeʼesik Nikki ku confiar tiʼ Jéeoba?

  U núukil