QE QʼINUMABʼIL TOJ TYOL DIOS
In qo ok t-xqʼuqin tkʼujlabʼil Jehová kyiʼj nya ax tok in tzaj tqʼamaʼn Satanás
Taj Satanás tuʼn tkubʼ qximen qa a Jehová at tpaj tiʼj tkyaqil nya bʼaʼn in tzaj qiʼj (Job 8:4).
Ex taj tuʼn tkubʼ qximen qa nya nim toklen toj twitz Jehová qa ma qo ten tzʼaqli twitz moqa miʼn (Job 9:20-22; w15 1/7 pág. 12 párr. 3).
In nonin tkʼujlabʼil Jehová qiʼj tuʼn miʼn t-xi qnimen tyol Satanás ex tuʼn qten tzʼaqli twitz (Job 10:12; Sl 32:7, 10; w21.11 pág. 6 párr. 14).
BʼINCHAMA JLU: Aj tok weʼya twitz jun nya bʼaʼn, qʼonka twitza tiʼj tzeʼn in kubʼ tyekʼin Jehová tkʼujlabʼil tiʼja. Tbʼanel qa ma kubʼ ttzʼibʼina ex qa ma jaw tuʼjina nimku maj. Kʼonil jlu tiʼja tuʼn kukx tikʼx tuʼna.
