KRISTOTƆWO GBENƆNƆ

Kpedo mɛ Ciwo yí Dele Sɛnsɛn Ðekɛ mɛ nu nɔ Woajeshi Wowo Watɔ ɖɛ

Xui

Ejɔ kpɔ yí deji mɔ yeaɖe kunu nɔ mɛ ciwo yí dele sɛnsɛn ɖekɛ mɛ ɖo èbuini mɔ wodalɔn axɔ nyɔnɔnwi lɔa? Nɔ ahan yɔ nɛɔ, ɖoŋwi mɔ mɛ ciwo yí dele sɛnsɛn ɖekɛ mɛ o—koɖo mɛ ciwo yí nunɔ mɔ Mawu deli o—vatrɔ Yehowa Kunuɖetɔ. Blaŋblaŋ ɔ, kpekpedonu kankin kpoŋ yí wojijiɛ yí anya mɔ Mawu li.—Rɔm 1:20; 10:14.

MÍKPƆ VIDEO CI YÍ NYI ÐO ŊWI MƆ MƐ CIWO YÍ DEÐO XƆSE AVAÐO XƆSE DRU!—MƐ CIWO YÍ DELE SƐNSƐN ÐE MƐ O, KEŊ AÐO NYƆBIƆSE CI MÌAKPƆ YƐ ŊCI:

Lé ŋci mɛ Tommaso to akpedo eo nu naɖo susu nywi do mɛ ciwo yí dele sɛnsɛn ɖekɛ mɛ nu yí aɖe kunu nɔ woɔ?

Ao ɖoŋci

Lé woawɛ do

Nɔ mɛɖe ci yí dekando Mawu ji o nunuɔ ŋci yí taɖo ele ahan niɔ, fa xomɛ ɖaɖa gbɔ, je aye keŋ asɔ ɖe le yi susuwo koɖo lé nu wawa ni do ji. (2Tim 2:24) Kan seŋ so ŋciwo yí atɛnŋ ajɔ ji ni nu. Élɔn mɔ yeakan seŋ so ŋci yí kpedo amɛ sugbɔ nu yí wovakando ji mɔ Gbɛɖotɔ ɖe lia? Nɔ ahan yɔ nɛɔ, zan wema koɖo video ciwo yí xo nuxu so nyɔ cɛ nu. Wosɔ wemagbaja ciwo yí nyi La vie a t-elle été créée? Koɖo Cinq questions à se poser sur l’origine de la vie sɔ daɖo Mìwo Nukplakpla Dɔwanu Dakavi lɔ mɛ nɔ natɛnŋ akpɔɛ fafɛɖe.

Le tɔtɔmɛɔ, ètɛnŋ vɔn mɔ yeaxo nuxu so nyɔnɔnwi lɔ nu nɔ mɛ ci yí dexɔ Mawu ji se o. Danyɔ mɔ ànu nɔ eŋɛnywidratɔ ɖeka ci yí bi le kunuɖeɖedɔɔ mɛ nɔ akpedo eo nu ba? Ðo ŋwi mɔ nɔ ŋkɔtɔ yí mɛ lɔwo dekando ji mɔ Mawu li can ɔ, Yehowa atɛnŋ akpedo mì nu mìakpɔ mɛ ciwo shi eji nɔnɔmɛ nywi le.—Edɔ 13:48.