LIKE NGA KLISIFUƐ’M BE YO’N

Uka be nga be suman Ɲanmiɛn annzɛ be sɔman amuin’n naan be si be Yifuɛ’n

Ɔ ju wie’n, e kwla se e wun kɛ sɛ e bo jasin fɛ’n e kle be nga be suman Ɲanmiɛn annzɛ be sɔman amuin’n be su tieman. I ti’n e boman jasin fɛ’n e kleman be. Kusu nn sran kpanngban mɔ laa’n be suman Ɲanmiɛn annzɛ be sɔman amuin’n be wa kacili Zoova i Lalofuɛ. Afin blɛ wie nun’n, be kunndɛli kɛ be uka be naan be wun i wlɛ kɛ Ɲanmiɛn o lɛ sakpasakpa.—Rɔm 1:20; 10:14.

AN NIAN VIDEO NGA BE FLƐ I KƐ NÁN AMUN WLA FI SU KƐ BE NGA BE LAFIMAN ƝANMIƐN SU’N BE KWLA LAFI I SU!: BE NGA BE SUMAN ƝANMIƐN ANNZƐ BE SƆMAN AMUIN’N. I SIN’N, AN TƐ KOSAN NGA SU:

?Ngue yɛ Tomaso i su ndɛ’n kle e-ɔ?

Wafa nga á tɛ́ su’n

Like nga e kwla yo’n

Sɛ sran kun se e kɛ ɔ lafiman Ɲanmiɛn su’n, maan e kan ndɛ amanniɛn su e kle i. Yɛ e kle i kɛ akunndan ng’ɔ bu’n nin wafa nga i wun yo i’n be ti e cinnjin. (2Ti 2:24) Maan e nin i koko ndɛ ng’ɔ kwla lo i’n i su yalɛ. ?Ɔ kunndɛ kɛ ɔ́ kókó ndɛ wie m’ɔ ukali sran kaka naan b’a lafi su kɛ sran kun yɛ ɔ yili ninnge mun’n i su yalɛ? Sɛ ɔ ti sɔ’n, maan e fa fluwa nin video nga be kɛn i sɔ liɛ’n i ndɛ’n e ukɛ i.

I bo bolɛ nun’n, e kwla sisi e bo naan e nin sran kun m’ɔ lafiman Ɲanmiɛn su’n y’a koko yalɛ. Sɛ ɔ ti sɔ’n, e kwla se aniaan kun mɔ i sa w’a tɔ jasin fɛ bolɛ nun’n kɛ ɔ uka e. Kannzɛ bɔbɔ i bo bolɛ nun’n be nga be nin nguan m’ɔ leman awieliɛ’n fata’n be lafiman Zoova su’n, sanngɛ nán maan e wla fi su kɛ Zoova kwla sin e lika uka be.—Yol 13:48.

KLISIFUƐ MUN NIN BE JUNMAN’N—AƝIA FLUWA