KRISTOHANONG PAGKINABUHI

Tabangi ang mga Dili Relihiyoso nga Makaila sa Ilang Maglalalang

I-PLAY

Nagduhaduha ba kag sangyaw sa dili relihiyosong mga tawo kay basig di sila maminaw? Kon mao, hinumdomi nga daghang dili relihiyoso—bisan gani mga ateyista—ang nahimong Saksi ni Jehova. Sagad, kinahanglan lang nilag tabang aron ilang makita nga naglungtad ang Diyos.—Rom 1:20; 10:14.

TAN-AWA ANG VIDEO NGA HINUMDOMI—ANG WALAY PAGTUO MAHIMONG MAKABATOG PAGTUO!—MGA DILI RELIHIYOSO, UG DAYON TUBAGA ANG MOSUNOD NGA PANGUTANA:

Sa unsang paagi ang eksperyensiya ni Tommaso makatabang nimo nga dili magduhaduha sa pagsangyaw sa mga dili relihiyoso?

Imong tubag

Kon unsaon kini paghimo

Kon ang usa moingon nga dili siya motuog Diyos, ipakita ang pagkabuotan ug pagtahod ug ipabati kaniya nga tinuod kang interesado sa iyang gihunahuna ug gibati bahin niini. (2Ti 2:24) Hisgoti ang mga topiko nga lagmit makapainteres kaniya. Maminaw kaha siya kon hisgotan nimo ang mga ebidensiya nga nakakombinsir sa daghan nga naay Maglalalang? Kon mao, gamita ang mga publikasyon ug video nga gidisenyo para niini. Ang mga brosyur nga Gilalang ba ang Kinabuhi? ug The Origin of Life—Five Questions Worth Asking gidugang sa Teaching Toolbox aron mas dali kining ma-access.

Sa primero, magduhaduha tingali kang makighisgot sa kamatuoran sa usa nga dili motuog Diyos. Puwede kang magpatabang sa eksperyensiyadong magmamantala. Hinumdomi pod nga si Jehova makatabang nato sa pagtandog sa kasingkasing niadtong nakiling sa pagdawat sa kamatuoran—bisan pag sa primero dili sila motuo nga naglungtad siya.—Buh 13:48.