KWA ˗BHA ˗KË KLETIƐN ˈKA ˗SÜ

˗Kwa mɛn ˗nu ˈö ˈwaa ˗Zlan ˗dhɔkë ˗an ˗takun kö ˗wo wo ˗Damɛn dɔ

-A "WƖ -DHƐ

Mɛn ˗nu ˈö ˈwaa ˗zlanwo ˈgü, ˈbha ˗kɔ ˗zlanwo ˗pö ˗an ˗dhɛ ˗sü ˈka do ˈyö ˗tɔ ꞊dhɛ ü ˗bhaa ˈgü ˈwi ˈdho wo ˈˈtʋ ˈto ˗ee? ˗Dhɛ ˈö ˈˈdhʋ̈, ˗yö ˗së kö ˗yö ˈto ü ˈˈɲaan ꞊dhɛ mɛn ˗nu ˈö ˈwaa kun ˗zlanwo ˈgü ɛɛnˈˈ ˈö ˈwaa kun ˈdhaŋ bho ˗ni ˈgü ˗Zlan ˈˈdhiʋ̈, ˗an ꞊vadhɛ ˗wa kë ꞊dɛɛ Zoova ˗bha ꞊Gbɛkiö ˗nu ˈka. Pë ˈˈpɛpɛ ˈö ˗an ˗bhawɔn ˈdhö˗ ˗bha ˈyö ˗tɔ pë ˈö˗ ˗zɔn ꞊dhɛ ˗Zlan ˗yö ˗dhö ꞊dedewo, ˗a draansü.—Wlɔ 1:20; 10:14.

˗BHÖ VIDEO MƐN -NU ˈÖ ˈWAA WO -ZO YÖ -ZLAN -DHƐ ꞊DƐƐ, -ZOYÖDHE ꞊MƆƆN- -BHA -YÖ -KË -AN -GƆ DHIƲ̈ˈˈ: MƐN -NU ˈÖ ˈWAA ˈDHO -ZLANWO ˈGÜ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

ˈWɔn ˈö Tomaso ˗yö bɔ ˗a ˈgü bhë ˗yö ü ˗takun ˗kɔ ˗kë ꞊dhɛ kö ˈü ˗zlanwopö mɛn ˗nu ˈö ˈwaa ˗zlanwo ˈgü, ˗an ˗dhɛ?

Ü ˗bhaa ˗yɔ

Kwa ˗dho ˗a kë ˗kɔ ˗kë ꞊dhɛ?

꞊Ya kë ꞊dhɛ mɛn ˈbha ˗ya pö ꞊dhɛ ˈyaa ˈdhaŋ bho ˗Zlan ˈˈdhiʋ̈, ˗kwaa ˗mɛn ˈsü ˗së. ˗Kwa dhiaŋ zë ˗a ˗dhɛ ˈˈnɛɛnnɛn ˈka kö ˈkwa˗ ˗zɔn ꞊dhɛ kwa ˈwɔn ˈgüman ˗a ˗gɔ. (2Ti 2:24) ˗Kwa ˈwɔn ˗nu ˈö ˗an ˈˈdhia ˗dho ˈmën ˗a ˈgü ˗an blɛɛˈˈ. Pë ˗nu ˈö ˈwo˗ ˗kë ˈö mɛn ꞊vadhɛ ˈwo ˗ya ˈdhaŋ bho ˗sü ˗bha ˗a ˈˈdhiʋ̈ ꞊dhɛ pë ꞊gban ˈˈpɛpɛ ˗Damɛn ˗yö ˗dhö, ˗a ˈˈdoo dɔ ˗sü ˗dhɔ ˗dho ˗a kë ˗ee? ˈKwa˗ yö ꞊dhɛ ˗an ˈˈdoo dɔ ˗sü ˗dhɔ ˗dho ˗a kë, ˗kwa bɔ kwa ˗bha ˈsëëdhɛ ˗nu waa video ˗nu ˈö ˈwo ˗an pë ˗kë mɛn suu ˗nu ˈwo ˈdhʋ̈ ˗an ˗bhaa ˈka bhë ˗an ˗ta kö ˈkwa˗ ˗takun. ˗Wo ˈsëëdhɛ ˗be ˈnën ˗nu La vie a-t-elle été créée ? waa Cinq questions à se poser sur l’origine de la vie ˗nu ˗da kwa ˗bha mɛn ꞊klaŋkëpë ˗nu ˈgü kë ˈˈdhʋ̈ kö ˗kpan ˗an ˗bha ˗sü ˈya ˈdho kë ˈˈgbɩɩ˗.

Gagade ˗nu ˈwo Biblö ˈgü, ˗an ˈˈdoo ˗dɔ mɛn ˈbha ˈö ˈyaa ˈdhaŋ bho ˗Zlan ˈˈdhiʋ̈ ˗a ˈˈpiʋ̈ ˗sü ꞊mɔɔn˗ ˗bha ˈö ˗kë ˈˈsuʋ̈sü ˗a zübhodhɛ ˈgü. ꞊Ya kë ˈˈdhʋ̈, ˗kwa ˗takundhe ˗dhɛ ˗zlanwopömɛn ˗nu ˈö ˗wa ˗kian ˗an ˗gɔ. Kwa ˗zo ˈya ˈdho bhɔ ˈpö ꞊dhɛ Zoova ꞊mɔɔn˗ ˗bha ˈö kwa ˗takun kö ˈkwa ˈpa mɛn ˗nu ˈö ˈwo˗ ˈˈpiʋ̈ kö ˗wa dɔ ˗an zuʋ̈ˈˈ ˈka, ˈkö ˗kë ꞊dhɛ ˗a zübhodhɛ ˈgü ˈwaa kun ˈdhaŋ bho ˗ni ˈgü ˗a ˈˈdhiʋ̈.—Kë 13:48.

KWA -BHA -KË KLETIƐN ˈKA -SÜ WAA KWA -BHA -ZLANWOPÖ -YÖ -BHƆKWËË -KË -A ˈKA ˈSËËDHƐ