KERECƐNW KA ƝƐNAMAYA

Minw t’u mako don diinanko la, u dɛmɛ u k’u Danbaga lɔn

A LAMƐN KAAN NIN NA

Minw t’u mako don diinanko la, yala i delila ka sigasiga k’u waaju sabu i tun b’a miiri k’u tɛna sɔn k’i lamɛn wa? N’o lo, a to i hakili la k’o ɲɔgɔnna mɔgɔ caaman nana kɛ Jehova Seerew ye. Tuma dɔw la, u mako b’a la an k’u dɛmɛ dɔɔni dɔrɔn le ka daliluw lajɛ minw b’a yira ko Ala be yen tiɲɛn na.—Ɔrɔm. 1:20; 10:14.

VIDEWO NIN FILƐ: KANA ƝINƐ—DANNABALIW BE SE KA KƐ NI LIMANIYA YE!—MINW TƐ DIINAN NA. O KƆ, ƝININGALI NUNU JAABI:

Tommaso ka koo be se k’an dɛmɛ cogo di ka koow filɛ ni ɲɛɛ ɲuman ye n’an be mɔgɔ dɔw waajura minw t’u mako don diinanko la?

I ka jaabili

An be se k’o kɛ cogo di?

Ni mɔgɔ dɔ y’a fɔ i ye ko ale lanin t’a la ko Ala be yen, a tigi minɛ ni ɲumaya ye, koow kɛ nɛmɛnɛmɛ ani a yira ko i b’i janto a tigi ka miiriya n’a dusukunnakow la (2 Tim. 2:24). Barokun minw ka teli ka diya a ye, baro kɛ olu kan. Dalilu minw ye mɔgɔ caaman dɛmɛ u lara a la ko Danbaga be yen, yala o tigi bena sɔn ka baro kɛ n’i ye o koo la wa? N’a sɔrɔla ko a bena sɔn, i be se ka baara kɛ ni gafew ani videwo dɔw ye minw labɛnna o kama tigitigi. Kitabunin nunu farala an ka kalankɛminanw kan walisa an ka se k’u sɔrɔ cogo nɔgɔman na: La vie a-t-elle été créée ? ani Cinq questions à se poser sur l’origine de la vie.

N’a sɔrɔ a daminɛ na i bena siran ka baro kɛ ni mɔgɔ dɔ ye min lanin t’a la ko Ala be yen. N’o lo, mun na i tɛ dɛmɛ ɲini weleweledala kolɔnbaga dɔ fɛ? A to i hakili la fana ko Jehova be se k’an dɛmɛ ka mɔgɔ kɔnɔgwɛw dusukun sɔrɔ hali n’a daminɛ na u lanin t’a la ko Ala be yen.—1 Kɛw. 13:48.

ƝƐNAMAYA ANI WAAJULI BAARA LAJƐNSƐBƐ