RAYUWAR KIRISTA

Ku Taimaka wa Waɗanda Ba Su da Addini ko Ba Su Yarda da Allah Ba Su Koya Game da Mahaliccinsu

KA KUNNA

Ka taɓa yin jinkirin yin waꞌazi ga waɗanda ba su da addini ko ba su yi imani da Allah ba, don kana ganin ba za su saurare ka ba? Idan haka ne, ka tuna cewa akwai waɗanda ba su da addini har da waɗanda ba su yi imani da Allah ba da suka zama Shaidun Jehobah. A yawancin lokuta, abin da suke bukata shi ne, mu ɗan taimaka musu su ga tabbaci cewa akwai Allah.—Ro 1:20; 10:14.

KU KALLI BIDIYON NAN KU TUNA CEWA MARASA BANGASKIYA ZA SU IYA ZAMA MASU BANGASKIYA!—WAƊANDA BA SU DAMU DA ADDINI BA, SAI KU AMSA TAMBAYA TA GABA:

Ta yaya labarin Tommaso ya taimaka maka ka kasance da raꞌayin da ya dace game da yin waꞌazi ga waɗanda ba su da addini ko ba su yi imani da Allah ba?

Rubuta amsa

Yadda za ka yi hakan

Idan mutumin ya ce bai yi imani ga Allah ba, ka nuna ka damu da shi kuma cikin basira ka nuna kana daraja raꞌayinsa game da batun. (2Ti 2:24) Ka tattauna batutuwa da kake ganin zai so. Idan kuma yana so ku tattauna batutuwan da suka nuna cewa akwai Mahalicci, ku yi amfani da littattafai da bidiyoyi da aka shirya domin hakan. An saka waɗannan ƙasidun nan, Was Life Created? da The Origin of Life—Five Questions Worth Asking a cikin Kayan Aiki don Koyarwa don ya yi mana sauƙin samu.

Da farko, za ka iya yin jinkirin tattaunawa da mutumin da bai yi imani da Allah ba. Amma za ka iya neman taimako daga mai shela da ya manyanta. Kuma ka tuna cewa Jehobah zai iya taimaka mana mu ratsa zuciyar waɗanda suke son saƙonmu, ko da da farko ba su yi imani da shi ba.—A. M 13:48.

LITTAFIN TARO DON RAYUWA TA KIRISTA DA HIDIMARMU