AKALAMO K’OMUKRISTU

Orhabale Balala Barhaherhe Dini Bahikire Kumenya Omulemi Wabo

ZIHA

Hanagera amango wafunda kuhubiri abantu barhaherhe dini, omu kuwaza oku hali oku barhakakuyunviriza si? Akaba ntyo ku bili, oyibuke oku hali bantu banene barhaherhe dini kuhebamo na balala barhayemerere oku Mungu abaho, babere Bahamirizi ba Yehova. Ahanene, balikenere konyine oburhabale b’okubayemeza oku Mungu abaho.—Ro 1:20; 10:14.

MULOLE EVIDEO OYIBUKE OKU—ABANTU BARHAHARAMYA YEHOVA BAKAGWARHA OBWEMERE!—ABANTU BARHAHERHE EDINI, MUJE MWASHUBIZA KW’ECHILA CHIBAZO:

Nka gurhe ebi Tommaso ageragamo byakakurhabala ogwarhe amawazo menja amango oli wahubiri abantu barhaherhe dini?

Your answer

Gurhe wakajira ntyo

Nk’omuntu amaderha oku arhagwerhe obwemere mu Mungu, omukolere oku bwinja, okolese amayeri, onamuyereke oku kweri olagire oku mawazo mage n’okuntu ali achiyunva oku bilolere eyola nganiro. (2Ti 2:24) Oganire oku myazi yakamusimisa. Alonzeze si muganire oku bintu byarhumire bantu banene bayemera ok’Omulemi abaho? Akaba ntyo ku bili, okolese ebitabu n’amavideo maderhere k’ogola mwazi. Akatabu Uhai—Ulitokana na Muumba? (Akalamo—Kalemwaga Si?) na Vitu Vyenye Uzima Vilianza Namna Gani?—Maulizo 5 ya Kujiuliza (Bibazo 5 oku Bilolere Omurhondero gw’Akalamo) byayongerwa omu Bikoleso Byerhu by’Okuyigiriza yi buli muntu abipata juba-juba.

Burhanzi, nkabaga wakagangana kuganira oku bilolere okuli haguma n’omuntu orhaherhe obwemere mu Mungu. Chakarhuma orhabwira omuhubiri okulire ekiroho akakuherekeza? Kandi, oyibuke oku Yehova akarhurhabala rhuhume oku mirhima ya balala bali tayari kuyunviriza—chiro akaba oku burhanzi barhaliri bayemera okw’abaho.—Mdo 13:48.