PENGIDUP KRISTIAN

Tulung meh Orang ke Bedau Bisi Pengarap Ngelala Petara ke Ngaga Sida

TEBAH

Kala nuan kakang ati nginjil ngagai orang ke bedau bisi pengarap laban nuan ngumbai sida enggai ninga? Enti pia, kingatka mayuh orang ke bedau bisi pengarap, nyengkaum orang ke enda pechayaka Petara bisi, udah nyadi Saksi Jehovah. Ke suah iya, sida semina begunaka tulung mimit kena ngaga pansik pasal bukti ke nunjukka Petara amat bisi.—Ro 1:20; 10:14.

PEDA VIDEO KINGATKA—ORANG KE ENDA ARAP ULIH NYADI ORANG KE ARAP!—ORANG KE BEDAU BISI PENGARAP, LALU SAUT TANYA TU:

Baka ni pengalaman Tommaso nulung nuan ngembuan runding ti positif pasal nginjil ngagai orang ke bedau bisi pengarap?

Saut nuan

Chara nginjil ngagai sida

Lebuh sesiku orang madahka diri enda arapka Petara, kitai patut manah ati, bejimat bejaku sereta nunjukka diri amat ibuhka runding iya pasal topik tu. (2Ti 2:24) Pilih topik ti ulih narit ati iya. Kati iya sanggup deka berandauka pasal bukti ti udah ngasuh mayuh orang pechayaka Petara amat bisi? Enti pia, kena meh litaricha enggau video ke udah disediaka pasal topik tu. Brosur Adakah Kehidupan Diciptakan? enggau Asal Usul Kehidupan—Lima Soalan yang Patut Difikirkan udah nyadi sebagi ari Perengka Kena Ngajar ngambika kitai senang ngiga nya.

Nuan engka berasai kakang deka berandauka pasal pemendar enggau orang ke enda arapka Petara bisi. Enti pia, nuan ulih minta tulung ari siku penginjil ti bepeneleba. Kingatka mega, Jehovah ulih nulung kitai nyapai ati orang ke bisi pengingin deka bulih pengidup ti meruan belama iya, taja pan diatu sida bedau pechayaka Iya amat bisi.—SKR 13:48.