HỊHỊ LALA ANGỊNYỊ NYA ỊKỊRAYỊSỊ

Da Angịlẹ Kị Ji Ịgba Ọgbagba Ọhẹ-lọhẹ ka Ụbwọ Wẹ ka Jẹ́ Ọngọ Haa Họ

À chị jii nyọka ya ẹrụ ọnyịịla ju ọngọlẹ kọ ji ịgba ọgbagba ọhẹ-lọhẹ ka, la irya nyori ọhẹka ọ́ ka myị-ị́ ke ụrụ ka? Kori kọ lịnyị aalẹ, kpịtịya nyori angịnyị lụmẹ-lụmẹ ịlẹ kị ji ịgba ọgbagba ọhẹ-lọhẹ ka tụ́ angịlẹ kị dọmwụ pwa nyori Ohe nyị́ ji ẹgẹhẹ ka, wẹ ka ri Alibeenu nya iJihova lẹ. Ụka lụmẹ-lụmẹ, ang ọlẹ kị baba ri ọ-ka daa ụbwọ pyịnyẹng nyọka wụla ang-ẹjẹẹ ọlẹ kọ mẹjẹ nyori Ohe nyị ji ịnyịlẹhị yẹ lịlaa.—Rom 1:20; 10:14.

YẸ IFIM ỌLẸ KỌ RI KPỊTỊYA—ANGỊ LA ỌMYỊMYỊ KA, KA JẸ́-Ẹ LA ỌMYỊMYỊ WẸẸ!—ANGỊLẸ KÁ ẸLA NYA OHE OLUYE KAA HÁ KA, KANỤ WẸ ỊTỌ ẸLA OLEJI ỌLẸ:

Ányị oja nya Tommaso à tị́ dang ụbwọ nyọka la irya ọnyịịla u-uhye nyọka ya ẹrụ ọnyịịla jẹ angịlẹ kị ji ịgba ọgbagba ọhẹ-lọhẹ ka?

Ọwẹwẹ nyang

Jaabwọ á ka bwu họ ịnyị

Kori ká ọngịnyị a ya ọwa nyị́ myị la Ohe ka, kpa ẹla ọjẹ́jẹ ya ẹla tọọ la ọdụmwọ, ká mẹjẹ nyori irya nyamwụ bala abwọlẹ ka ẹlẹwẹ lọọ nyị gung ọ-ọkịlẹtụ. (2Tim 2:24) Ya ẹla u-uhye nya ahị nya ẹla ịlẹ ká me irya nyori ọ-ka kpọọ ịpyọ. Ọ myị ọnụ nyọka kụ ẹhị yẹ ang-ẹjẹẹ ịlẹ kị da angịnyị lụmẹ-lụmẹ ụbwọ nyọka myị nyori ọngọhẹ ji kọ họ ang wuu? Kori kọ lịnyị aalẹ, kpa apwụ bala ifim nyahị ịlẹ kị họ chajị nyọọwa họ ụkụrwọ. Ị ya apwụ ichiche ịlẹ kị ri Was Life Created? bala The Origin of Life—Five Questions Worth Asking ju ka ẹpwụ nya Ang-abwọ Ịlẹ Kahị Kaa Kpa Mẹ Ang Jẹ chajị ọ-ka chịhị kpẹẹ la ọ-ka yaa ahyaahị.

Lụka nya ọgbanyẹ, a ka juhi myị ụka ká kụ irya nyọka mẹ ẹlịlẹhị ọlẹ jẹ ọngọlẹ kọ dọmwụ myị nyori Ohe nyị ji ka. Ma ọ-ka há kori ká tọ aanahị ịlẹ kị jẹ́ ya ẹla Ohe yẹẹyẹẹ wo kị ka dang ụbwọ ka? Kpịtịya ịnyịnyị nyori iJihova ka jẹ́-ẹ dahị ụbwọ ya ẹla ọlẹ kọ ka gu angịlẹ kị la irya ọnyịịla ọ-ọkịlẹtụ, kori kị dọmwụ myị ụka nya ọgbanyẹ nyori Ohe nyị́ ji wẹwẹ ka.—Ụkụr 13:48.

ỤPWỤ Ọ-KPA JẸ́ ANG NYA ỌJỊRA-JỊRA NYA ỌHỊHỊ BALA ỤKỤRWỌ