VIVE SIMA UN KRISTON

Djuda kes algen ki ka ten un relijion kridita na ses Kriador

TOKA

Dja bu kustuma dexa di da tistimunhu pa un algen ki ka ten relijion, pamodi bu atxa ma el ka ta obiba bo? Si kel-li dja kontise ku bo, lenbra ma txeu algen ki ka ten relijion, ti mésmu kes algen ki ka ta kridita na Deus, dja bira tistimunhas di Jeová. Txeu bês, kuzê ki es mesteba éra un ajuda pa djobe próvas ma Deus ta izisti. — Ro 1:20; 10:14.

ODJA VÍDIU LENBRA MA KES ALGEN KI KA TEN FÉ PODE DIZENVOLVE FÉ! — KES ALGEN KI KA TEN RELIJION. DIPÔS RESPONDE KEL PERGUNTA LI:

Modi ki spiriensia di Tommaso ta djuda-u pensa di manera puzitivu sobri da tistimunhu pa kes algen ki ka ten relijion?

Bu respósta

Modi ki ta fazedu

Si un algen fla ma el ka ta kridita na Deus, trata-l ku bondadi i ku jetu mostra ma bu ta inporta ku kuzê ki el ta pensa i el ta xinti sobri kel asuntu. (2Ti 2:24) Pâpia sobri asuntus ki talvês ta interesa kel algen. El krê pâpia sobri próvas ki dja djuda txeu algen kridita na un Kriador? Si el sta interesadu, uza publikasons i vídius ki fazedu pa djuda kes algen. Kes bruxura Será que a vida teve um Criador? i A Origem da Vida – Cinco Perguntas Que Merecem Resposta gósi ta faze párti di nos Feraméntas Prinsipal pa Inxina asi pa fika más fásil di atxa-s.

Na komésu, talvês bu pode xinti medu di da tistimunhu pa un algen ki ka ta kridita na Deus. Má, pamodi ki bu ka ta pidi ajuda di un publikador ki ten más spiriénsia? Lenbra tanbê, ma Jeová pode djuda-nu toka korason di kes algen ki ten un bon atitudi, sikrê na komésu es ka ta kridita ma el ta izisti. — At 13:48.