ŨTŨŨRO WA GĨKRISTIANO

Teithia Andũ Matarĩ a Ndini Kũmenya Mũũmbi Wao

THAAKA

Hihi nĩ wagaga kũhunjĩria andũ matarĩ a ndini ũgĩciria atĩ matigũthikĩrĩria? Angĩkorũo nĩguo, ririkana atĩ andũ aingĩ arĩa matarĩ a ndini, nginya arĩa matetĩkĩtie nĩ kũrĩ Ngai, nĩ matuĩkĩte Aira a Jehova. Kaingĩ, ũndũ ũrĩa mabataraga nĩ gũteithio gũthuthuria ũira wa atĩ Ngai arĩ kuo.—Ro 1:20; 10:14.

WĨRORERE VIDEO YA RIRIKANA ATĨ ANDŨ MATARĨ WĨTĨKIO NO MAGĨE NAGUO!—ANDŨ MATARĨ A NDINI, ŨCOKE ŨCOKIE KĨŨRIA GĨKĨ:

Kĩonereria gĩa Tommaso gĩagũteithia atĩa gũkorũo na muonere ũrĩa wagĩrĩire wĩgiĩ kũhunjĩria andũ matarĩ a ndini?

Macokio maku

Ũrĩa ũngĩka

Mũndũ angiuga ndetĩkĩtie Ngai, mwarĩrie na njĩra ya wendo, ũhũthĩre ũũgĩ, na wonanie atĩ nĩ ũrenda kũmenya ũrĩa araigua na ũrĩa areciria. (2Ti 2:24) Arĩrĩria maũndũ marĩa mangĩmũgucĩrĩria. Hihi no ende kwarĩrĩria ũira ũteithĩtie andũ aingĩ gwĩtĩkia atĩ nĩ kũrĩ Mũũmbi? Angĩkorũo no ende, hũthĩra mabuku na video iria ihaarĩrĩirio cia gũtũteithia gwĩka ũguo. Broshua cia Uhai—Ulitokana na Muumba? na Maswali Matano Muhimu Kuhusu Chanzo cha Uhai nĩ ciongereirũo thĩinĩ wa Gathandũkũ Gaitũ ka Indo cia Kũrutana nĩguo tũhote gũciona na njĩra hũthũ.

Kĩambĩrĩria-inĩ, no ũigue ũritũhĩirũo kwarĩrĩria ũhoro wa ma na mũndũ ũtetĩkĩtie Ngai. Hoya ũteithio kuuma kũrĩ mũhunjia ũrĩ na ũmenyeru. Ningĩ ririkana atĩ Jehova nĩ atũteithagia gũkinyĩra ngoro cia andũ arĩa marĩ na mwerekera ũrĩa wagĩrĩire, o na angĩkorũo kĩambĩrĩria-inĩ matiĩtĩkĩtie atĩ arĩ kuo.—Atũ 13:48.

KABUKU KA MŨCEMANIO WA ŨTŨŨRO NA ŨTUNGATA