LIV YU LAYF LƐK KRISTIAN

Ɛp Pipul dɛn We Nɔ De na Ɛni Rilijɔn fɔ Lan bɔt di Wan We Mek Dɛn

PLE

Yu dɔn ɛva mit pɔsin we nɔ de na ɛni rilijɔn ɛn yu nɔ want fɔ prich to am bikɔs yu fil se i nɔ go lisin? If na so i bi, mɛmba se bɔku pipul dɛn we nɔ de na ɛni rilijɔn ivin di wan dɛn we nɔ biliv Gɔd dɔn bi Jiova Witnɛs. Bɔku tɛm dɛn kin jɔs nid smɔl ɛp fɔ pruv se Gɔd de.—Rom 1:20; 10:14.

WACH DI VIDIO WE GƐT DI TAYTUL, MƐMBA SE—PIPUL DƐN WE NƆ GƐT FET GO EBUL FƆ GƐT FET!—PIPUL DƐN WE NƆ DE NA ƐNI RILIJƆN, DƆN ANSA DI KWƐSTYƆN WE DE DƆŊ:

Aw Tomaso in ɛkspiriɛns go ɛp yu fɔ tink di rayt we we yu de prich to pipul dɛn we nɔ de na ɛni rilijɔn?

Yu ansa

Aw fɔ du am

If pɔsin tɔk se i nɔ biliv Gɔd, nɔ vɛks, tek tɛm tɔk fayn, ɛn sho se yu rili bisin bɔt wetin i tink ɛn aw i de fil bɔt di sɔbjɛkt. (2Ti 2:24) Tɔk bɔt tɔpik dɛn we i go rili want fɔ no mɔ bɔt. I rɛdi fɔ tɔk bɔt tin dɛn we dɔn ɛp pipul dɛn fɔ biliv se pɔsin de we mek ɔltin? If na so i bi, yuz di pɔblikeshɔn ɛn vidio dɛn we dɛn dɔn mek fɔ ɛp wi fɔ du dat. Dɛn dɔn ad di brosho dɛn we nem Was Life Created? ɛn The Origin of Life—Five Questions Worth Asking na wi Tichin Tulbɔks fɔ mek wi go ebul fɔ yuz am izi wan.

Sɔntɛm fɔs yu go fred fɔ tɔk bɔt di trut to pɔsin we nɔ biliv Gɔd. Yu nɔ tink se i go fayn fɔ mek yu tɔk to pɔblisha we gɛt ɛkspiriɛns fɔ mek i ɛp yu? Mɛmba bak se Jiova de ɛp wi fɔ prich to pipul dɛn we rili sho se dɛn want fɔ gɛt layf pan ɔl we sɔntɛm fɔs dɛn nɔ go biliv se Gɔd de.—Akt 13:48.

WI KRISTIAN LAYF ƐN PRICHIN WOK–MITIN BUK