LUZINGU LWA BAKRISTO

Bakisa bantu balembo sambilaka mu zaba Mvangi’awu

WÂ MU

Ngano wa wuluturilaka mu tîna mu samunina muntu wulembo sambilaka, na mabanza ti ka tambula ko? Tala ti ni bo, bantu babingi beri lembo sambilaka—na bantu beri lembo kwikalaka mu Nzambi—bayizi bâ Mbangi za Yehova. Ntangu zakaka, mwa lubakusu lu bâka nawu nsatu mu taluzula bidimbu bita songela ti Nzambi ko kena.—Ro 1:20; 10:14.

TALENO VIDEO YA BAMBUKAKENO—BANTU BALEMBOLO NA TIMINU BALENDI TIA BAKA!—BANTU BALEMBO SAMBILAKA, MPE HANENO MVUTU MU TIYUVU TITA LANDA:

Bwe tinsamu tia Tommaso tita ku bakisila mu bâ na mabanza ma mbote mu samunina bantu balembo sambilaka?

Mvutu’aku

BWE TULENDI BWA SILA

Tala ti muntu wutêle ti ka kwikilaka mu Nzambi ko, songela nsayi, tâ misamu mi delakane mu mpila ya delakana, mpe songela ti mabanza mandi ma takipa. (2Ti 2:24) Zonzeleno mitu-diambu mi kazoloko. Ngano zololo mu zonzela bidimbu biabakisa bantu babingi mu kwikila mu Mvangi? Tala ti ni bo, sarila mikanda na video zidelakane na musamu wo. Mikanda mia La vie a-t-elle été créée? na Cinq questions à se poser sur l’origine de la vie bayizi biayika mu Bisalulu bia ndongosolo ngatu bialembo bâ mpasi mu baka bio.

Ku mbatululu, lendi tîna mu zonzela matieleka kwe muntu wulembo kwikilaka mu Nzambi. Mu bungu dia nti lembo lombela lubakusu lwa tisamuni tia yela? Bambuka ti Yehova lendi tu bakisa mu simba mutima wa bô bê na mabanza ma delakana—ni bu sa ti ku mbatukulu ka beri’â kwikilaka ko ti kô kena.—Bis 13:48.

MUKANDA WA LUZINGU NA TISALU