VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA

Ɓɔ Niitiɛ Va Te Yee Lɛ Gala Faa Zu Ga Te Faa Wɛ̃ɛ E Vile Te Ɓɛtɛ Ɣalagi Va

TƐ GÁ

Na ɓaavɛ e yee ma ga e Gala goo wo niitiɛ ma te yee lɛ Gala faa zu, yiɛ ɣi-gaa-ziɛ ga tɛ lɛ vaazu wuitosu? Ani vele ɣa ya ɣi-gaa-ziɛ la, ɣizɛ su ga nu lamaa te ɣɛɛ ga Jehova na Seeleitiɛ te ta velei ɓalaa te yee lɛ ɣɛni Gala faa zu ɔɔ tɛ lɛ ɣɛni laani ga Gala. Siɛ lamaa, ta wõi nɔ ga numaa te ɓɔ te va te kwɛ̃ɛ ga Gala ka na.—Loo 1:20; 10:14.

A WƐLƐ ƲILIOGI NII VA ƔIZƐ SU GA TAITIƐ ZEE-LA-MA LƐ TE YA TA ZOO TE ZEE-LA-MA MAA ZƆLƆWO!—NIITIƐ TE YEE LƐ GALA FAA ZU, NA ƔA ƔƐƐNA WO GAA-ZAƔA-KƐƐ NII ƔAA WOTE:

Tommaso na po-kɔ̃ɔ-mai ɓɔga e va ɣɛ le ga ki-gaa-ziɛ vagɔ ɣɛ e ya e vile niitiɛ va te yee lɛ Gala faa zu?

Gaa wotegi wonɛ vɛ

Velei ya kɛɛ la

Ani nu ɣa bona e ma ga lɛ laani la ga ani Gala ka na, mɛlɛ yii ɣaa-wãla zeea. Manui zɛ-sɛ bo na ɣa ɣɛɛna e dɛɛ la ga e wuuzu nɛɛvɛ ga è faa wɛ̃ɛ e vile velei va é ɣi-gaa-ziɛzu la e vile fai na va. (2Tem 2:24) Yɛpɛ e vile zɛpɛ wũgitiɛ va ya zii zo. Kuuzu ɣa nɛɛ ga wo yɛpɛ e vile faa taniga va e ɓɔga numaa va te kwɛ̃ɛ ga Gala ka na? Ani é wõini wo na ɣɛ, kɔlɔitiɛ ɓɔga ʋiliogitiɛ kpɛtɛɛ nii ɣavele yɛpɛitiɛ ʋaa ma, towa ɓɔ e va. Bolosiɛi nii daa ga, Was Life Created? e vɛɛ The Origin of Life—Five Questions Worth Asking ɣa sa Kalabo Kologi zu, ga e ɓɔ de va de te maa zɔlɔwo kaʋile.

Ya tɔɔ-zeina dɛ ga niinɛ ga e yɛpɛ nui ta wɔ lɛ laani ga Gala, tanisu towa nu yii zuuli. Na ma, yɛpɛ e ɣaa yɔwɔ̃i ta wɔ soogɛi kɛɛzu ga e ɓɔ e va. Kwɛ̃ɛ ga, Jehova ɣa ɓɔ ɓalaa de va ga, numaitiɛ da Gala goo wo te ma te wuito de ma ani ɓalaa tɛ lɛ laani la ga Gala ka na.—Ac 13:48.

KOLAI MAA VEAITIƐ TA ŊETEAI E VƐƐ TA ƔALA GOO WO TII VA, DƆƆ YƆƆZU ƔAALƐ-BA WƆLƆI